Malaysia aom Rohingya Refugee te March khapan nasemthei tading

Malaysia aom Rohingya Refugee te March khapan nasemthei tading

Malaysia gamsung aom Rohingya Refugee te maikha March kha akipan nasepkhuan Official in piatading cih Thursday ni in Malaysia Deputy Prime Minister Ahmad Zahid Hamidi in genkhia hi. Hihbang in Rohingya Refugee te naseptheih nading avaihawmna uhah amasa in mi 300 tawh kipansak photding uh cihi.

UNHCR (United Nations High Commissioner for Refugees) panin Refugee Status apiaksa, Card tawisa Rohingya Refugee mi 300 tepen Agriculture & Manufacturing Sectors te ah March 1 ni akipan nasep kipansak tading ci’n Minister in Statement ah suahkhiata uhhi.

Malaysia kumpi ii ciaptehna ah hih Rohingya Muslim tepen Kawlgam aom Muslim Minority ci’n aciapteh uh hi a, avei phatdiak uhzong hipah cihtheih ahihi. Tuahang mahin hihbangin Malaysia gamsung ah “Legal Employment” ci’n kumpi phalna tawh nasepkhuan angah masapen tezong hong hipah uhhi.

Kumpi tawh akizom, amau teelsaksa Agriculture & Manufacturing Sectors te ah nasep kipanding a, amau ii nuntak khuasakzia anoptuam dingin Malaysia gamsung ah aomsung un sumlehpaai zontheih nading leh khutsiamna Skill tuamtuam a ngahtheih nading in aki panpihsawm ahihi ci’n Minister panin genbeh hi.

Tuabangin Agriculture & Manufacturing Company te ah nasemding mi 300 pen hoihtakmah in Security Check bawlphading uh a, tuaban ah cidamna lamsang tawh kisai zong Health Screening bawlding uh cihi. Tua te ah nawngkaina aneilo tebek nasep guanding uh cihi.

UNHCR tawh kizopna, ahih keileh UN Card aneinailo te ahihleh nasepkhuan piaksawm tuannailo uhhi. UNHCR te genkhiatna ah Malaysia gamsung ah Refugees leh Asylum Seekers mi 151,000 bang omding in pulakkhia uh a, tualak ah Rohingya pen mi 55,000 bang phading ci uhhi. (Note: ih gengensa mahbangin Refugee leh Asylum Seekers akibatlohlam atelcian dingin ki lamen hang)

Related: Bangladesh gamsung aom Rohingya Refugee te aomna uh kituahsak

Syria gampan inzong Malaysia gamsung ah nungkum akipan kumkhat in Syrian Refugee 1000 ta lutsakding cihzong http://aa.com.tr te tungtawn in kiza hi. ZD Sawltak #zomidaily