Myanmar in gampualam ah buhtang zuakkhiatna hangin $$1.11 Billion sumlut ngah

Myanmar in gampualam ah buhtang zuakkhiatna hangin $$1.11 Billion sumlut ngah

Myanmar panin gampualam ah buhtang zuakkhiatna “Rice Export” hangin sumlut US Dollar $1.11 Billion kingah cih Xinhua News pan kiza hi. Tua sumlut pen kumkhatsung 2017 – 2018 Fiscal Year sung hi a, March khasung in Fiscal Year abeita ahihi.

Myanmar gampanin gampualam ah akizuakkhia Agricultural Export Product lakah buhtang pen athupipen ahihi.

Myanmar Rice Federation te’n Saturday ni in agenkhiatna ah 1 April 2017 panin 23 March 2018 kikal gampualam ah buhhum bekbek 2.89 Million Tons kizuakkhia cihi. Tuaban ah buhtang gawisa 620,696 Tons zong ki zuakkhia a, tuate pen gampualam ah tuilam Sea Route tawh ahi zongin, gamgi Border Gates te kantan in ahi zongin aki zuakkhia ahihi.

Abeisa kumte ahzong Myanmar gampanin gampualam ah butang Tone tampipi kizuak khiaden hi. 2014 – 15 Fiscal Year kumsung in 1.8 Million Tons, 2015 – 2016 Fiscal Year kumsung in 1.4 Million Tons, 2016 – 2017 Fiscal Year kumsung in 1.7 Million Tons cihbangin abeisa kumte ahzong butang tampi gampualam ah ki zuakkhia hi.

Tuabang in gampualam ah buhtang akizuakkhia te lakah 60% pen China gamsung ah akipuak ahihi.

Myanmar Commerce Ministry te genkhiatna ah 2017 – 2018 Fiscal Year kumsung March 23 ni ciangciang Agricultural Products panin gamdang sumlut pen US Dollar $2.93 Billion phahi ci’n pulakkhia uhhi.

More: Malaysia gamsung ah Plastic tawh akibawl buhtang “Plastic Rice” om ci’n Report kibawl

Myanmar gampanin Rice Export akibawl banah mailam ah adang Product tuamtuam ahi Peas, Pulses, Fisheries Products, Textiles, Timber, Forest Products, Rubber cihtezong Export bawlding ngimna om cih kiza hi. Sawltak #zomidaily