Japan ah papi khatin atapa kum 20 sung innsung ah khumcip

Japan ah papi khatin atapa kum 20 sung innsung ah khumcip

Japan ah atapa kum 20 sung akhumcip papikhat Saturday ni in kimankhia cih AFP pan kiza hi. Tua atapa pen alungsim acidamlo “mentally ill” khat hi a, tuahangin bawmsung “Cage” sungkhat ah akhumcip cimawk hi.

Tuabang in atapa akhumcip papipa pen amin Yoshitane Yamasaki kici a, kum 73 aphakhin khat ahihi. Khumcip athuak atapa pen tu’n kum 42 phakhinta hi.

Hyogo Prefecture sung aom Sanda City sungah ateeng uh hi a, amau innsung ah thongkia bangin atapa pen kum 20 val khumcip hi ci’n Local Police Spokesman khatin genkhia hi. Athu ala akician in aki kanciansan laitak ahih manin, athu akicingin ki pulak khiathei nailo hi ci’n Spokesman in genbeh hi.

Japan Local Media te genkhiatna ah papipa in atapa pen singtawh akibawl “Wooden Cage” sungkhat ah akhumcip ci uhhi. Tua Wooden Cage pen asanna 3.3 Feet (1 Meter) bek hi a, azaina pen 1.8 Meter bekbek ahihi. Amau innpi gei ah bukneu khatbangin lamsak in tuasung ah akhumcip ahihi.

Papipa inzong atapa pen ka khumcip mahhi ci’n Japanese Authorities te tungah genkhia hi. Ka tapa pen alungsim cidamlo “Mental Problem” khat ahih manin, Wooden Cage sungah kum 20 val ka khumcip khamah hi” ci’n City Officials te tungah genkhia hi ci’n Publice Broadcaster NHK te’n pulak uhhi.

More: Japan gam aom piteek puteek kepna innkhat meikang, mi 11 si

Tuaban ah atapa pen nikhat hal bekin anpia in kisilsak cihi. Atapa pen tuciangciang cidamlai “Stable Condition” hilai bilbel in, ahi zongin apa ii khumcipna tawh anungzang kulcip in tuapen buaihuaipen cihi. Tulaitak Welfare Facility te’n akaplaitak cih kiza hi. Sawltak #zomidaily