Myanmar Actor minthang Dwe sihna taktak ahang ki phuangkhia ta

July 13, 2016
Myanmar gamah lim kineihkhem siampen a minthang Dwe pen July 11 /2007 in, lam etlohpi’n a lupna-ah a nuntaakna nabeiziau hi. A sihni a kipan tuni dong a sihna ahang a genkhempeuh in ” Guihtheih Zatui ” azathang ahi hi naci ciat uhhi.

Tualai in Dwe in zatui a zatnampen nupa ci le sa ukna hatsakna zatui “Yaba” cihte bek ahi hi.

A hizong, July 11, 2016 in, Dwe sihzawh kum 9 cinna phawkna nabawl uh a,tua munah Director Maung Myo Min (Yin-ttwin-phit) in Dwe sihna a hang taktak pulakkhiatna nanei hi.

“Ko Thagyi (Dwe) a sihzawh kum 9 hita…. Ko Thayi hong nutsiatna hangin na kasak mahmahna thu khat om a,tua pen tuni in kong pulakkhia limlim nuam hi. Ko Thagyi(Dwe) sihna Certificate ala pen keimah kahi hi…..a sih madeuh hunsungin Ko Thagyi (Dwe)in honghua,hong hopih noploh hun sawngsung ahi hi.

Ko Thagyi a sih lai in, ” Guihtheih Khamtheih Bangmah Khoihvetlo Hi ” a hihhang aman damlohna namkhat nanei a,tuapen ” Lungtang ” damlohna ahi hi.Tua damlohna in khatveivei a huih diklai hubingsak/husam saktheizel ahi hi.

Myanmar Actor Dway’s (Dwe) Funeral Ceremony (July 2007)

https://www.youtube.com/watch?v=HJ66y4x27Nc

Ihmut akhamloh manin ihmut suahna zatui na ne a,ihmut suahna zatui in a ihmut a limsak laitak in,a hu bing/husam vatzelna hongsuak a,tua hangtawh a lupna-ah lam etlohpi’n hong nusiasuak ahi hi ci’n Director Maung Myo Min in tuani in na pulakkhia hi.
Zomi Post/7DAY