A (4) veina ZBCA – America Khawmpi nuamtak kizo

• A (4) veina ZBCA – America Khawmpi nuamtak kizo
• Ani: July 8-10,2016.
• Amun: Denver, CO.

1. LUNGDAMKOHNA :: A 4 veina Zomi te biakna kipawlna lianpi khat ahi ZBCA pawipi ah hun manpha mahmah nuamtakin kizang thei khin ta ahih manin Topa tungah lungdamna iko masa hi. Anai agamla pan khuapi 30 kimpan in pawisim mi hongpai thei hi. Zin vekpi gawm 600 bang pha hi.

2. ZINMANG TE :: Speaker dingin – Rev. Dr. JM Ngul Khan Pau te nupa, Rev. Kham Sian Khup leh Lasa dingin Mawibiaklian , Jenny Zen Thian Siang leh Niangboih te hongpai thei uh a thangah huai thei mahmah hi.Tutung in India leh Myanmar pan akisam teng cidam in hongtung kim thei uh hi.

3. OPENING CEREMONY NUAM TAK IN KIBAWL :: US gam laan leh ZBCA laan (Flag)te kitawi in, pawlpi 28 in ZBCA laan(Flag) tawi ciat in biakinn pi sungah kilut ziahziah a, Lasiam ten lahoih nono hongsa hi. Innteek naupang ten Zogam lapi ahoih mahmah ahi ” Zogam Zomi” cih la action tawh honglak kawm uh a, Rev. Dr.Tun Cin Kap in khau attatna hongnei , avei atak ah Rev.Dr. Ngul Khan Pau leh Rev. Kham Sian Khup ten atpih in kilawm mahmah hi. Pawipi ap thungetna pen Rev. Pau Khan Lian in hongneihsak hi.

4. DELEGATE NUAM MAHMAH :: Sumzui mizui in delegate kikah a, mi 77 kipha in nuamtak in hun kizo thei hi. Pasian ading leh Zogam Zomi te adingin thuhoih thupha tampi kivai hawm thei hi.

5. ORDINATION NGAH MI 3 OM :

1. Rev. Pau Pian Thang – Germany.

2. Rev. Pau Sian Lal- Kentucky.

3. Rev. Tual Cin Khup- Washington State.

6. KIDEMNA TUAMTUAM TE THANGAH HUAI LUA :: Khangno te vaihawmna tawh Solo kidemna, Laisiangtho kidemna, duet kidemna, choir kidemna te om in thangah huai mahmah hi. A khatna piaksawn ding bang hamsa saphial uh hi.

7. ZBCA IN GEELNA HOIH NONO NEI :: 1. ZBCA huamsungah sihna atuak aom leh abeisa mah bangin kidahpihna $ 15,000 kipia ding hi, Kum 4 nuaisiahte $ 10000 hidinga, kum 4 tungsiah te $ 15000 hiding hi. Hih sih galna sum ngahthei dingte pen sehsuah 1/10 manman in pawlpi ah a khiate hi hamtang ding hi.

2. Biakinn neihzawh nadingin pawlpi khat in atawmpen biakinn nei thak aomleh $ 2000 ta tawh kihuh ciat dingin geelna kinei a, tulaitakin Biakinn neithak omleh ZBCA gambup mapanna tawh $ 80000- 100000 kikal tawh kihuh zodingin kilamen a, Zogam thak America ah asawtlo in biakinn neithak om ziahziah dingin kilam en hi.

3.Pastor neilo pawlpi te adingin Kawlgam leh India gampan Pasian nasem muanhuai te kha 6 sung Internship Pastor dan in sapsak dingin kigeel a, pawlpi Pastor neilo te adingin hoih mahmah ding hi cih ngaihsut sakna ahi hi.

4. Zomi Theological Seminary Kalaymyo ading nasiatakin mapang dingin geelna kinei hi.
Zomi mintawh Laisiangtho sangpan in Zomi Christian University dongah alawhcin theih nadingin ZBCA gambup in thupi takin mapan dingin hoih kisa a, tutung in upna tawh $ 50,000 kim kingah hi. Leitang kuat khat teh $ 100 hidinga, kuat 1000 tukum sungain ngah thei tei tei dingin kilunggulh hi. Zomi akua mapeuh kihel thei den hi.Zomi mintawh Laisiangtho sang thupi mahmah khat ineih theih ding lunggulh mahmah na ahihi.

8. ZBCA DINMUN NAM 4.

1. USA gamsunga om Zomi khempeuh in anungta Pasian biakhawm ding.

2. USA gamsunga om Zomi khempeuh in ihihna Identity limtakin kem khawm ding.

3. USA gamsunga om Zomi khempeuh in nopna dahna ah kihuai kikep zawhna ding.

4. USA gamsunga om Zomi khempeuh in biakna tungtawn in Topa Pasian adingin nahoih sem khawm in , Mission nasem khawm in, akisap nana mun ah Zogam leh Zomi te puahkhawm ding.

9. ZBCA IN KUATE TAWH KIZOM THEI DING :: ZBCA in A-Z kikal sunga om Biakna nam khat peuh peuh in ZBCA tawh akalsuan khopnop leh ZBCA in deidan omlo in kizop pih thei ding a, Pasian leh Minam adingin nahoih sem khawm pah ding hi.

10. ZBCA IN KUA TE TAWH NASEM KHAWM THEI DING :: ZBCA pen biakna kipawlna hi , ahizongin Minam kipawlna tuamtuam te tawh kisam bangbangin khut kilen in mapang khawm khin ta a, mailam ah zong akisam bangin mapang khawm toto laiding hi. Civil Society tuamtuam ahizongin, Political party te tawh ahizongin Pasian leh Zomi te adingin mapang khawm to zel ding hi.

11. ZBCA AH PANMUN OB THAK TE:

1. President- Rev. Kap Khan Mang.( Tulsa)

2. Vice President- Rev. Dr. Tun Cin Kap.( Pensacola)

3. Secretary General – Rev. Pau Khan Khai.( Louisville)

4. Associate Secy Gen – Rev. Pau Khan Lian.( Nashville)

5. Treasurer 1 – Rev. Tual Khaw Mang. Admin fund.( Denver)

6. Treasurer 2 – Rev. Ngo Suan Thang- Project fund.(Tulsa)

7. Accountant – Tg. Pau Lian Tuang .(Fortworth)

8. Member – Rev. Kai Sian Mang.( Houston)

9. Member – Rev. Hang Go Thang.( Indianapolis)

12. ZBCA YOUTH COMMITTEE:

President- Rev. Suan Khan Mung.(Battle Creek)

Secretary – Rev.Muana Khuptong.( Portland)

Treasurer – Rev. Hau Suan Mung.(Twinfalls)

13. ZBCA WOMEN COMMITTEE:

President – Siamah Deih Cing.(Nashville)

Secretary – Siamah Cing Kang.( San Antonio)

Treasurer – Nu Dim Lun Niang.(Tulsa)

14. MUSIC COMMITTEE:

1. Thawng Khat Suan.(Tulsa)

2. Gin Sawm Lian.(Pensacola)

3. Don San Nuam.(Indianapolis)

4. Lian Sian Khual.(Seattle)

15. MEDIA COMMITTEE:

1. Sia Cin Hau Mung.(Tulsa)

2. Pa Pau Lian Nun.(Ohio)

16. ZBCA MINTAWH ALL D PAHTAWINA PIA DING :: ZBCA in Kawlgam a tan 10 laivuanna ah All D ngahte pahtawina ks. 1,000,000 akipia toto tu in mi 4 tungah ks. 4,000,000 piakding maban limci mahmah khat kinei hi.

17. INNTEEK ZINDO TE THUPI MAHMAH :: Innteek pawlpi te pen pawlpi bup in hanciam mahmah uh a, aneu alian in diang ziahziah uh hi, etteh tak mahmah uhhi. Zindo na thaman Laisiangtho sungah aom zahzah ngah takpi dingin ki um mahmah hi.

18. INNTEEK MANGKANG TEN THA NGAH LUA :: Tutungin Mississippi Avenue Baptist Church ten biakinn akipan akisam khempeuh hong zangsak uh a, Pastor in agenna ah- minam 23 tawh abeisa kum 30 val sung ka nasep khopna ah tutunga Zomi Biakna tawh kasep khop pen thangah pen leh lungdam pen ing ci in Innteek Pastor Rev. Tual Mang tungah genhi. Biakpiakna leh sepdan te thangah mahmah uh ci hi.

THUKHUPNA LEH LUNGDAMKOHNA :: Tutungin Kawlgam pan Zomi pawisim mi 20 val hong pha uh a, tha kingah mahmah hi. USA gamsung pan zin vekpi 600 kim phathei hi.
Hihbangin Zogam thak America ah ei pau tawh pawi thupi mahmah ineih theih pen nuam kisa mahmah hi.

Maikum a 5 veina ZBCA pawipi mundingin Tulsa khuapi muanna tawh akiseh khin ahihi.
Thu hongngetsak leh tha hongpia akua mapeuh tungah nakpi takin lungdamna kongpulaak nuam uh hi.

Secretary
ZBCA