Mopawi pawlin Motorcycle 100 valtawh khuasung ah ki vakpih
China gamsung ah nektheih aki vaikhak ciangin apuakkawikawi “Food Delivery” asem pasalkhat in zi nei ahih manin, anaseppih te’n lungdampih mahmah uhhi. Khuasung ah mothak lopna in Motorcycle tawh kizui ngalhngalh in vakpih uhhi.
China, North-east Tianjin City sungah abeisa October 01 ni in thupiang kici hi. Monu leh mopa amaipenpen ah Motorcycle khatah tuangkhawm in paimasa uhhi. Anung ah Food Delivery anaseppih te’n Motorcycle 100 valtawh zui ngeingai uhhi.
Khuasung ah Motorcycle hizahzah akizui akimuh ciangin khuasung mipi te’n lamdangsa in, lunglut mahmah uhhi. Photo leh Video kizaihpah ngeingai in, Chinese Social Media Platforms tengah ki thehzakpah hi.
Video: Food delivery man married on scooter with hundreds of fellows riding after him on street
Atuamdiak khatah monu leh mopa azui alawmteng in puansilh Jacket akibang vive silhzihziah uh a, anungpan in zui diamdiam uhhi. Motorcycle lukhu, Helmet nangawn kibangsak in zui ngeingai uhhi. Amukha te’n lungkimhuai mahmah hi citek uhhi.
Related: Mopawi bawlnading ah Helicopter tawh azuat laitak vanleng kia in monu si
Mopawi cihpen khangkhat in khatveibek akibawl himawk ahih manin, Sengam ah akiteengthak Chinese Couple te’n anopci theithei, atuamdiak cihbangin pawithei uhhi. Sawltak #zomidaily
Comment piaknop aomleh...