China, Sichuan Province sungah meileng Conductor asem pasal khatin nupi khuazalo khat meileng taihlupdinglian panin ahotkhiatna hangin ama taklam akhe meileng in gawitansak cih Straits Times pan kiza hi.
Tua nupinu pen khuazalo, abeng angong khat ahihi. Meileng apailam theilo in, meileng lampi akantansawm ahihi. Conductor pa’n phit mutsan in, a otsansan hangin zalo cihi.
Emergency Brake akaih hangin nupinu pen taihlumkha veveding cih atheih ciangin meileng tungpan tuaksukin taivingveng a, nupinu pen meileng ii phutkhak lianding dinmunpan honkhiathei hi.
Ahi zongin ama khe ataklam pen meileng lampi sikzawntung panin hemkhiamanlo ahih manin, meileng in gawitansak cimawk hi.
Tua nupinu ahonkhiapa pen Xu Qiankai kici a, kum 29 aphakhinkhat ahihi. Hih thupiang pen nung Thursday ni in thupiang hi a, ahotkhiat nupinu pen kum 65 aphakhin abil ahoih nawnlokhat ahihi.
Xu Qiankai in nupinu ahotkhiatzia pen CCTV panin Video Record akibawlkha om ahih manin, tua Video aki khahkhiat ciangin Xu Qiankai ii gamtatzia pen thupi kisa in, kiphat ngeingai hi.
Xu Qiankai pen akhe ataklam meileng in agawizankhit nangawn in nupinu bangacihiam ci’n lunghimawh in enpheilai cimawk hi.
Xu Qiankai pen akhe meileng in agawikhak ciangin zato ah kipuakpah a, ahi zongin kibawlkik theiloding cih himawk ahih manin, Doctors te’n tankhiatsak uhhi.
Video: Conductor in China loses right leg after jumping off train to save elderly woman
Xu Qiankai ii ahotkhiat nupinu zong zato ah aveh in vapai a, Xu Qiankai zatolupna khekhuan ah lukun ngeungeu in lungdam akoh laitak Photo kizaihkha in, tua Photo aki khahkhiat leuleu ciangin amukha khempeuh lungsim lawngmahmah hi.
Beijing-based English news channel CGTN te genkhiatna ah Xu Qiankai pen anu apa te’n ta khatbekbek aneihsunsun uh cihi. Amah pen galkap “Military Veteran” hi a, asawtnai hetlo khatin hih Chengdu Railway Bureau, Rongchang Station ah asemding in akipuak “Transfer” cihi.
A nasepna leh anu apa te omna kinaizawding lunggulh in nasepna alaih “Transfer” ahihi. Ahi zongin amah aki dotna ah kanu kapa te lungkhamding ka lungnuamkei ci a, ahi zongin hih nupinu ahotkhiat pen kakisik hetkei, mihingkhat nuntakna leh kakhe taklam kakhekpen kisik hetlo hi’ng ci’n Interview ah genkhia hi.
Related: China ah acitak naupang khatin sangkah nading pahtawina sum 10,000 ngah
Hihbangdan kamai ah apiangkik hilehzong tu a kagamtat mahbangin kakhe kasuplawh zongin hot khiatsawm veveding hi’ng ci’n genkhia hi. Zahtak huaihi, alungsim thupi in ettehhuai mahmah hi. Atung a “China ah acitak naupang khatin sangkah nading pahtawina sum 10,000 ngah” link zong nasimbeh in, Chinese tezong acitak te citak mahmah uhhi. Sawltak #zomidaily
Comment piaknop aomleh...