Sanginn meikang: unau 3 sihkhat in si & meikatna ahang ki theicianlo
Malaysia, Kuala Lumpur khuasung aom biakna sanginn khat meikatna hangin akihelkha sangnaupang te ii anu apa te bekthamlo, mipi mahmah inzong kidahpih, ki khasiatpih mahmah hi. Tualak ah meigong nupi khat adingin khasiat huai phadiak hi. Atate 3 takin sihsan uhhi.
Hih nupinu pen kum 29 bek aphapan hi a, abeisa kum 8 hunlai in apasal in sihsan ahih manin meigongkhat ahihi. Amahguak in atate pasal 3 apattahtoh hi a, zanni sanginn meikang lakah atate athum in asi lakah kihelmawk ahih manin, khatsiat huai phadiak hi.
Tua meigongnu ii ameltheih nupi khatinzong mStar te tungah agenkhiatna ah katute 3 tak in hongnusia cih katheih ciangin kakhasia mahmah hi. Apa un abeisa kum 8 lai in hongnusia, tu’n atate 3 takin hongnusia leuleu. Kasungpan apiang kasi kasa, kata te mahbangin ka it ka ngaih hi. Abawlpa deihna ci hikeileng asiding in naupang lailua mahmah uhhi. Naupang te nutsiat anu apa te’n bangci thuakzawhding? ci’n kapkawmkawm in genkhia hi.
Malaysia Prime Minister Datuk Seri Najib Tun Razak inzong khasiatpih mahmah a, Malaysia gam adingin khasiat mahmahni khat hi “A sad day for Malaysia” ci’n genkhia hi.
Hih sanginn meikatna ahangpen zanni in Electric Short Circuit hiding in ki ummawh a, ahi zongin hoihtak aki kancian ciangin hihpen Short Circuit hiloding hi ci’n City Fire and Rescue Department director Khirudin Drahman in genkhia hi.
Forensic Investigation leh Energy Commision te’n hih sanginn School Building ii Electric Main Switch pen bangmah siatna omlo ahih manin, Short Circuit hangin meikuang akipan hiloding ci uhhi.
Tuaban ah meikuang pen thakhatthu in kilawhphei ziahziah hi. Short Circuit hileh Main Fuse pen asiatding banah meikuang pen hihzah in manlanglo in, Minute 30 sungbang akizelhkim nadingin ahun lading hi ci uhhi.
Sangnaupang asuakta te ii genkhiatna ah meikuang pen Hostel ii apualam kongkhak panin hongkipan cihi. Tua ahih manin sangnaupang te asunglam ah awkcip uhhi.
Video: Zahid urges tahfiz schools to comply with safety requirements
Tuaban ah anhuanna Gas bung, Gas Canister nihzong kimu a, tuate hangin meikuang pen manlangsak mahmah hiding cihi. Tua ahih manin hih meikatna pen apualam panin adang akihel khatpeuh omkhading hi ci’n Fire Department te’n genkhia uh a, Investigation pen bawlbawllai ci uhhi.
Related: KL sanginn meikang: Sangnaupang te’n honghuh un ci’n kapziahziah
Sangnaupang asilo khat ii genna ah sanginn ah akizang Gas Cylinder tepen Green Color hi a, ahi zongin tua inntungah meikatni kamuhkhak Gas Cylinder tepen Yellow Color hi in, lamdang kasa ci’n genkhia hi.
Sangnaupang te nulepa te’n thuak haksa samahmah mawk unciai maw… Sawltak #zomidaily
Comment piaknop aomleh...