USA, Denver khuapualam ah thau kikap, Police Officer khat si, adang mi 6 liam
USA, Colorado State sungah thau kikapna piangin, Officer khat kikaplum a, adangzong mi 6 liam cih CNN pan kiza hi. Colorado, Denver Suburb sung aom Apartment Complex khatah thautawi khatin akap ahihi ci’n Douglas County Sheriff in Sunday ni in genkhia hi.
Thautawh akikapkha pen Law Enforcement Officer mi 5 leh khuasungmi Civilian mi 2, akigawm in thautawh mi 7 akikapkha ahihi. Tualakah Law Enforcement Officer khat sipah hi ci’n Sheriff Tony Spurlock in genkhia hi.
Asipa pen Deputy Zackari Parrish hi a, kum 29 aphakhin khat ahihi. Aliam Officers 4 tepen bangmah lunghimawh nadingluat omlo, Stable Condition hi ci’n Sheriff Tony Spurlock in Reporters te tungah genkhia hi.
Tua thautawi migilopa zong Police tetawh nai 2 sungkhawng akidokhit uhciangin, Police te’n thautawh kaplum uh cihi. Tua thautawipa ii amin apuam pen ki pulak khianailo a, ahi zongin abeisa in Law Enforcement tetawh ki zopkhakna tamveipi aneingei khat hiding kici hi. Ahi zongin gitloh ngongtatna Criminal History neingeilo cihi.
Rifle thau khattawh Denver khuapi panin 20km agamlatna aom Highlands Ranch, Apartment Complex khatah Sunday ni in thautawh akap ahihi. Tua thautawipa in akigawm in 100 veibang Rifle thautawh kapgawp hi ci’n Sheriff Tony Spurlock in genkhia hi.
Video: 5 total officers shot, 1 deputy killed in Denver-area shooting early Sunday. Sheriff says there were “well over 100 rounds fired” by the suspect, who is also now deceased.
Officers aliamte pen a awmsung kidalna “Ballistic Vest” asilh uh hi a, ahi zongin tua Vest in adalkhaklohna munah kapkha ahih manin, aliam uh ahihi.
Hih buaina akipatpen Sunday zingsangtunglam ahihi. Zingsang 1:30am hunpawl in Apartment Complex sungah gamlumlua ci’n Complaint om ahih manin, Deputies te aphual ah vapai uhhi. Ahi zongin Deputies te aphual ah atun ciangin bangmah agamlum leh anawngkai omlo hi.
More: USA, Maryland ah thau kikapna piang, mi 5 kikapkha in 3 sikhin
Ahi zongin anihveina Complaint omkik leuleu a, Deputies te aphual ah apaikik ciangin thautawh mikhatin anakapgawp ahihi. Ambush bangdan in nakapkha ahih manin, ka Officers te un athuakkha ahihi ci’n Sheriff Tony Spurlock in genkhia hi. Sawltak #zomidaily
Comment piaknop aomleh...