Mawtaw atungdawn ah alu dawkkhiasak in atuangpa Signboard tawh kinawk in si
China gamsung ah khangno kum 13 aphakhinkhat Highway lamzikpi tungah mawtaw tawh atuanlaitak in, mawtaw ii atungkhuh Sunroof hongkhia in dakkhia veuvau sese hi. Tuabangin Sunroof panin adakkhiat, atuankhiat laitak in lamzikpi ii atungah akikhung Signboard tawh kinawkkha ahih manin, tua naupangno pen si hi.
Tuabangin atuahsiat, Signboard tawh aki nawkkhaklian laitak anung panin mawtaw tawh azui te’n Video Record bawlkha uh a, tua Video Clip pen Chinese Social Media tuamtuam tawh kizelgawp hi.
Tua thupiang pen abeisa Sunday ni in thupiang kici a, China, South-eastern Province sung aom Xinyu City sungah nitaklam 5pm hunpawl in thupiang ahihi.
Tua khangnopa pen mawtaw ii atungkhum Sunroof ah alu dawkkhiasak in atuan laitak in Highway lamzikpi tungah adang mawtaw bangmah kimulo hi. Ahi zongin anung panin azuikha mawtawsung panin Passenger te’n Video zaihkha uh a, Video zaihte’n hih naupangpen Signboard tawh ki phukhaleh sipah lianding hi ci’n ciamnuih in agen kawmkawm laitak un Signboard tawh kinawkkha takpi hi.
Video: A 13-year-old Chinese boy who was spotted with his upper body sticking out of a car sunroof on an expressway died on Sunday (Oct 28) after he crashed into a sign. The accident took place at about 5pm in Xinyu city in the south-eastern province of Jiangxi, reported Chinese media outlets.
Video azaihkha te’nzong aki nawkkhak takpi ciangin lamdang samahmah uh a, tua mawtaw anawkphei uhciangin Driver pa in Phone ahopih laitakzong kimuthei hi.
Atuahsiatna mawtaw ahawlpa Driver pen naupangno ii apa lawmte kici a, tua naupangno pen Sunroof ah adakkhiat ciangin Driver pa’n anuai ah tusuk in ci’n asawlkhit kici hi. Driver pa’nzong anuai ah atusuk khinmah in atuat hi a, tuakawmkal ah Signboard tawh kinawkkha in aphual ah asipah kici hi.
More: Vietnam ah mopi dingin apai mawtaw tuahsia, zineidingpa leh adang mi 13 si
Hih thupiang hangin ki linglawng mahmah a, mawtawhawl nulepa te’n tate a utbangbang in omsak hetlohding thupi hi ci’n Comment kipia ngeingai hi. Tuahsiatna pawlkhat tepen kamsiatman cihteisam hangin atuahsia te ii kidop siamlohluat manzong hithei gige hi. Sawltak #zomidaily
Comment piaknop aomleh...