Mihing leh tui

Mihing leh tui

Mihing leh tui thu genleuleu ding hi hang. Mihing (normal) khat sungah tui 75% bang om hi. Ih sisan sungah tui 83% bang om hi. Ih khuak sungah tui 73% om hi. Ih tuap sungah tui 83% om hi. Ih kalte sungah tui 79% leh ih vunte tungah 64% bang tui a om ahihi. Ih nu sungah i omlai tak in tui 95% bang tawh a kibawl i hihi.

Ih kum a tawm laitak in ih pumsungah tui tam aa i kum a tam ciangin tui tawm semsem hi. I kum a tamkhit ciangin ih sungah tui 55% bangbek om lai hi. (Hihpen mipil te muhna ahihi.)

Tuabangin ei mihingte pen tui tawh a kibawl i hihi. Ih sungah tui a kidim in om hi. Ih sungaa tui te zongh a pualam aa tui te mahbangin ki khem theilo hi. A kici banglianlian in gamta aa lehtat theilo hi. Cidamna thu na pulak ciangin tua tui te in cidamna dingmah nasem pah hi.

Na pulak banglian mahin nasem hi. Na guhna na taangsung, na sisan, na samal te sungah na pulak bangin tui te in khiallo in na sem hi. Tui in a zakthu a taktunsak dingin a tawntungin nasem hi.

Na ngaihsutna khuakbu sungaa tuite in zongh nakpi takin na sem pah hi. Damdam in na ngaihsutna sungah na theihnop thute hong puak hi.

Banghanghiamcihleh tui in nialtheilo, nialngeilo aa a kici bang lianlian in kipsak pahpah ahihman ahihi. Mihingpen tui i hi aa i deihbangin design kibawl leng i kisik kei ding hi.

Ih nuntakna sungah ciimtak lo takin kammal hoih pulak ding a kisam penpen ahihi. Hauhna, pilna, damna, suahtakna, matutna, nalianpi sepna te pulaklak in. A hun acin ciangin hong piang ding hi. Book Ref: Baihlamtak a Nalianpi Sepna/ Siamsin Library