Siamsin Medical Trip & Summit, Tauleng nuamtak kizo

Siamsin Medical Trip & Summit, Tauleng nuamtak kizo

13-17 April, 2018 :: Kawlgambup Siamsin kipawlna (Universities-Myanmar) in kum sim in a neih den Summit & Medical Trip pen tukum Tonzang gam huam Tauleng khua ah 13-17 April 2018 sung in kibawl thei hi. Kawlgam bup siamsin kipawlna sung ah local 8 om in tua sung pan local 6 kihel thei hi.

Siamsin mimal 120 kiim kipha in Doctor le Nurse te tawh avek pi 140 bang kipha hi. 2017-18 laisim kum in Gangaw Siamsin te zong kizop na haksat na te hang in local khat in ki ding sak hi. Tu in kawlgam bup siamsin kipawlna pen local 9 kipha ta hi.

Tauleng khua tangthu tomno

Tauleng khua pen 1915 kum in kisat in Pu Cau Lian leh alawmte in sat uh hi. 1940 kum ciang in Pasian thu na tung in 1942 kum ciang khua mial gawlzawh na nei in Pu Cau Lian leh alawmte in sat uh hi. 1940 kum ciang in Pasian thu na tung in 1942 kum ciang khua mial galzawh na nei in tu in Pasian thu theih zawh kum 76 bang pha ta hi.

1940 kum mah in khuasung nulepa te hanciam na tawh private school khat nei thei hi. 1970 kum ciang in kumpi sang Primary School ngah hi. 1983 kum in vuansuai ( midwife) siamah khat ngah uh hi. 1993 kum in tauleng khua beimang ding galpi khat na tung ngei hi. 2004 kum in ZYA kipawlna naphut uh hi.

Tua kum mah in Tauleng Christian Fellowship (TCF) na phuan khia uh a kum khat in thum veita antang thunget na nei uh hi. 2017 kum in ျပည္သူ႕လႊတ္ေတာ္ Pu Hau Khen in mawtaw lampi hon na neih sak hi. 2010 kum ciang in Zosiam Medical Gospel te na pai thei uh hi.

2018 kum in Zogam Gospel te’’ zong na pha zo in ZOMUS kipawlna khua ading na koih sak thei uh hi. 2018 kum April kha in Kawlgambup Zomi Siamsin kipawlna te makaih na tawh Summit & Medical trip 13-17 sung ki nei thei hi.

Singtang buh leh zangbuh zong piang hi. Tu in Thawbat le Coffee cing zong kipan ta uh hi.

Note: Hih pen khuasung tangthu tom genna pan ciapteh zawhzah kalak ahih manin akim lo zong om kha ding hi. Siamsin Awging