Malaysia Zomi Refugee Vaái ~ Pu Zokhai

Malaysia Zomi Refugee Vaái ~ Pu Zokhai

ZAM-pen 2006 June kha-in CRC-tawh mapang loding ngiimna, Zomi gaaltaaite atuam-a UNHCR-ah phuding ngiimna-tawh akiphut ahihi.

Banghanghiam cihleh Chin Refugee minpua Hakha leh Thantlang te-in Zomite naákpi-a hong deidanna UNHCR office-ah CRC Card dal 6 evidence kinei-a tuate’ hang-in ZAM akipan khia, akalsuan ahihi.

ZAM masuan ataangpi-in Chin minpuate-tawh mapang khawm theilo ahihna baan-a, kei mimal tungtawn-a akipuak petition khempeuh-ah Chin te-in Kawl kumpite-tawh pangkhawm, ko Zomite-in lampi nih pan-in khentuamna thuak cihte abulpi hiden-hi.

Tua ahihman-in Chin-tawh mapankhopna-tawh refugee vaái ahoih lam-a akikheel dingpen lamet omlo-hi: banghanghiam cihleh-

Kawl kumpi sung-ah Henry Van Thio, Lian Luai, Hung Ngai cihte abullam-ah om-a, Malaysia UN Representative Richard Towel inzong Hung Ngai muhpih, Van Thio zong muhpih: Richard-in “I heard with my own ears. Hung Ngai said they have no problem with Myanmar military!” ci-hi. Keinah-in,

“That’s right. They haven’t got any problem with the junta but Zomi people have terrible problem with both the junta and the CNF”.

Kacih ciang-in abil kihong-a Zomi athak-in theihkhiatna akipan ciauciau ahihi. Tua ahihman-in CHIN-tawh vaáihawmkhopna-in Zomi refugee te’ ading lampi siasak-hi.

More: Malaysia Khualzinna Thukoh (Report) ~ Pu Zokhai

Ngun Cung Lian zong Junta’s hammer khat hi-in DASSK nangawn azahko khat ahihi. Junta’ thudotpi khat ahihlam leitung-a political watch te-in atheihkim ahihman-in Chin te-in Junta-tawh buaina neilo taktak ahihlam kilangh-hi. Tua ahihman-in Chin-tawh mapankhopna-pen Zomi lamkhaak ahihlam theihding kisamhi.

Sial bang-in siiksiik leh neekneek thuah lohding pilvaang mahmah lehang lunggulhhuai kasa-hi. Zokhai