Thungetna ah phawkciat ni…
Kepong Sri Damansara vengah om Pa Huge Lang Khan Mung le Nu Lucy Vung San Cing (Saizang khua) it mahmah a tanu uh a hi, Angela Niang Ho Nuam a ding in thungetna ah phawksak ni.
Angela Niang Ho Nuam pen khat 7 val deuh a nu gilsungah a omkhitteh leitung ah mihing suahna honglakha hi. Siavuan te in genna ah kha cinglo a hih teh angeina mahbang in zato ah kepcing masak kul ding hi. A hizong in kha kua a cin khitteh innlam zuan in ciahsak kik ta hi. Inn pan hong damlo semsem in a sawt sawt ciang in ci sa natna tawh zato tungkik leuleu hi.
A cisa natna pan in dipsungah a kua dan 1″ khat bang a thuksuk zo phial dong in huih a diik ciang in a vangdan omsuk hi. Tua hang in Siavuan te lung himawhlua in natna namkim sit kawikawi hi. Natna tawh kisai a zonsakdan pen anuai adan in kimukhia hi.
1. Lungtang natna
2. Tuapsung natna
3. Sisan pan a kilawh thei natna tuamtuam
4. Sin natna
5. Kal natna
6. TB natna
A natna mu zo tuamlo na pi in hong zong kawikawi uh hi. A sisan etna ding bekbek zong RM 3000 bei liang hi. Zato minthang mahmah te ah Siavuan siam penpen te ii etsakna kibawlbawl hi. A zato kilakna te in Songai Boluh zatopi, IJN (Heart Specialist Hospital) le GHKL zatopi te ah January 2014 pan kipan in August kha kipat dong mah zato khat khit khat, Siavuan le siamah siampnepen te khat khit khat in veelsak kawikawi hi.
A tawpna ah lamet bei in cihna ding theih nawtloh tak ciang Catholic Upna sungah a thupi pen Sathau Siangtho nilhna tawh a tawpna thupha pia ding in St. Joseph Parish Topa Rev. Fr. George khutsung pan in Sathau Siangtho nilhna hongpiaksak hi.
Topa Pasian in a it mahmah a tanu Angela ii nuntakna a thak in lametna nongpia kik a hihman in tuni in lungdam kohna thupha pen ZCCM Siate le Upa te tawh kineithei hi.
Sum le paai beina tawh kisai in UNHCR pan a beizah khempeuh RM16000 vai hong huhsak hi.Taiwan Buddhist Tzu Chi midongtuak te huhna pan zong neek tawm ding le zat tawm a kisam nengneng pawlkhat hong huhsak thei a hihman in lungdam damdam ung ci in a pa Lang Khan Mung honggen behlai hi.
A khuapih a hi Saizang tate teng in ei hih theihna a hi, thungetna ah phawkciat ni. Angela ii nuntakna pen tawl khat lai in lametna om nawnlo, Siavuan te in Angela ii hun nunung di na kiding ta un. A ni le a hun di a ki theilo bek hi a, ko Siavuan te siamna tawh ka theih tawp un ka bawlsa uh hi. A nu le a pa zong lungkimtak in a manawtzawh na ding khat le khat tha na kipia unla, a telsiam ding hong lamen ung ci in kei kiang mahmah ah zong honggen hi.
Angela ii tuni dong a nuntakna pen Pasian hu muapsa nuntakna bek a hihlam kilang mahmah hi.
God bless and heal Angela Niang Ho Nuam!!!!!
Francis Khampi
Comment piaknop aomleh...