Singapore ah gunkuang khat meikanggawp in mi 15 liam

Singapore ah gunkuang khat meikanggawp in mi 15 liam

Singapore gamsung ah Thursday (March 22) ni in gunkuang “Yacht” khat meikuang in mi 15 zato kipuak cih Straits Times pan kiza hi. One Degree 15 Marina Club in Sentosa Cove ah thupiang hi a, aliam te lakah naungek zong kihel cihi.

Tua Yatch pen tuinawllam ah akhawl laitak in meikuang zaizai a, Photo leh Video pawlkhatzong anawkkha te’n zaihman uh ahih manin, Social Media ah ki thehzak hi.

Ageinai panin amukha ahi Shazan Ifham kicikhat ii genna ah nitaklam 4:30pm hunpawl in thupiang hi a, ageinai aom Yacht khattung ah ka omlaitak in meikhu ziahziah ka galmuh cihi.

Amasa in meikhu mawkmawk hilelding ci’n ka thudon kholkei hi. Ahi zongin Minute 2 khitkhawng ciangin meikhu tamsemsem a, tuaciangin meikang ahihlam katheipan hi ci’n genkhia hi.

Tuaciangin Singapore Civil Defence Force (SCDF) te ki zasak a, amauzong Minute 5 sungin tungpah uhhi.

SCDF spokesman khat ii genna ah hih Yatch meikangvai tawh kisai in hongki zaksak ciangin kidelhpah hi. SCDF Officers te aphual ah atun ciangin Water Jet nih kizang a, meikuang pen ki phelhsiang zopah hi ci’n genkhia hi.

Naungek khatleh ulian 2, akigawm in mi 3 tepen meikuang tawh kangkha in liam uh ahih manin Singapore General Hospital ah kipuak uhhi. Adang mi 12 tepen meikhu dikkha in zawmgawp uh ahih manin Singapore General Hospital leh National University Hospital ah kipuak uhhi.

More: Myanmar, Rakhine State sungah gamdangmi 28 gunkuang tawh kiman

Hih Yacht meikat laitak in atungah mi pawlkhat aomlaitak ahihi. Meikatna ahangpen aki kanciansan laitak hi ci’n SCDF te’n genkhia uhhi. Sawltak #zomidaily