Thupha taktak ~ Nicholas Pau

Thupha taktak ~ Nicholas Pau

I pilna-te ki-phatsakpih lo in
A pilna-te zahtakpiak siam leng
Pilna a zanghsiam i hi pan ding aa
Pilna thupha Topa’n ong piabeh ding in
Pilna tatak i nei pan ding hi..

I hauhna-te ki-phatsakpih lo in
A hauh-na te va haza se kei leng
Hauhna a zanghsiam i hi pan ding aa
Hauhna thupha Topa’n ong piabeh ding in
Hauhna taktak i nei pan ding hi.

I theihna-te ki-phatsakpih lo in
A theihna-te thupiit bawl thei leng
Theihna a zanghsiam i hi pan ding aa
Theihtheihna thupha Topa’n ong piabeh ding in
Theihna taktak i nei pan ding hi.

I hoihna-te ki-phatsakpih lo in
A hoihna-te va muhsak sawm leng
Hoihna a zanghsiam i hi pan ding aa
Hoihna thupha Topa’n ong piabeh ding in
Hoihna taktak i nei pan ding hi.

I siamna-te ki-phatsakpih lo in
A siamna-te pahtawi zo leng
Siamna a zanghsiam i hi pan ding aa
Siamna thupha Topa’n ong piabeh ding in
Siamna tatak i nei pan ding hi.

Nicholas Pau
(June 6th 2017)