Malaysia palik mawtaw khat anungpan akitaih laitak Video ki thehzak
Malaysia khuasung vilding in avak kawikawi palik mawtaw “Police patrol car” khat nung Saturday ni in anunglam panin aki taihkhakna Video pen Social Media tungah ki thehzak hi.
Kuala Lumpur khuasung, Jalan Loke Yew tungah Saturday sunlam in thupiang hi a, aphukha mawtaw pen Mercedes-Benz namte khat ahihi.
City Traffic Enforcement and Investigation Department Legal Affairs officer Deputy Superintendent Shafie Daud in agenkhiatna ah 3:50pm hunpawl in Jalan Loke Yew tungah thupiang ci a, ataihsuk Mercedes-Benz mawtaw hawlpa pen kum 47 aphakhin khat cihi.
Meisan ngakin Traffic Stop ah akhawl hithiat Police patrol car pen anungpan in lengzeza in aphusuk ahihi.
Tua palik mawtaw sungah atuang palik nihte pen Dang Wangi District sungah asem uh hi a, anih un liam ahih manin Kuala Lumpur Hospital zato ah kipuak uhhi.
Video:
Palik te lakah kum 30 aphakhin khatpapen akhe aveilam kitan in zato ah ki bawlsak cihi. Adang palik khatpa pen kum 45 aphakhin khat hi a, amahpen palik mawtawhal ahihi. Amahzong akhe ataklam leh akhut ataklam liam cih thunei te’n genkhia uhhi.
Related: Malaysia, Wangsa Maju vengsung ah Police te’n Damiah mi 4 kaplum
Hih tuahsiatna apianlaitak agei aom mawtaw khat ii Dashcam panin Video Record kibawlkhalian in, tua Video pen Malaysia Social Media zangtengin ki khaksawn kawikawi in, ki thehzak cih kiza hi. Sawltak #zomidaily
Comment piaknop aomleh...