Tukum Distance Laivuan Kigak ding: LAIVUAN KUAN THUSINNA TE AH HUNBIT IN KAH DING LE THUMAN TAK IN LAIVUAN CIAT DING PULAAKNA OM
UNIVERSITY OF DISTANCE EDUCATION (UDE) ii kumsim aneih laivuan kuan kiallap thusinnate ah hunbit in kah ding le thuman tak in laivuan ciat ding Zangkong le Mandalay Sangpi te pan September kha, kal nunung pen in pulaakna nei uh hi. Laivuanna ah thuman lo in na gamtat aleh kum 1 pan kum 3 dong lai hong ki vuan saklo ding a sang hong ki khawlsak ding hi cih zong gen hi.
Distance sangnaupang te pen laivuan ma deuh kiallap Thusinnate kah kul in Sangnaupang Group nihna ten pen October 15 ni pan 24 ni ciang hi ding a, Group thumna te pen November ni 9 pan 19 ni ciang hi ding hi.
Khen masa ahi Science sangnaupang te pen kiallap thusinna te kah ding aki sap lot hang Practical ah 75% ngah aleh bek lai phi thei pan ding hi.
Group masa (Science) sangnaupang te lai phi hun ding pen October ni 2 pen 12 ni ciang hi in, Group nihna ahi English, Geography, Philo, Psycho, OS, Law sangnaupang te pen October 27 pan November ni 7 ciang pen lai phi hun hi ding aa, ahon thumna ahi Myanmar, Myanmar Muh, Yata Sarpea, History, Sipua pignea, Pi tuh yeyar, Eindawn Sipua, Sipua siman sangnaupang te pen November 22 pan 30 ciang pen laiphi hun hi ding hi.
Related: Kawlgam ah sangsia khatin sangnaupang 2 zawhthawh thutawh buan ahih manin kum 40 thong kiading
2017-2018 pilsinkum ah Yangon le Mandalay a UDE te ah sang akah sangnaupang pen Sang (Tein) nih le tulsawm nga bang om a hih man in Day a kah sangnaupang sang a zah nih bang in tam zaw uh hi. Zingsol
Comment piaknop aomleh...