Malaysia gamsung ah June 01 ni akipan GST ki phiatmai tading

Malaysia gamsung ah June 01 ni akipan GST ki phiatmai tading

Malaysia gamsung ah vankhatpeuh akilei ciangin phiangsiah 6% avalin akipiakha GST (Goods and Services Tax) pen June 01 ni akipan ki phiatmai tading cih CNA pan kiza hi.

Malaysia’s Finance Ministry te’n tuni Wednesday (May 16) ni in agenkhiat uh hi a, Malaysia gambup ah GST pen 6% panin 0% ah tangko kikna aom masiah aki phiatsiang “Abolish” photding ahihi. (until further announcement)

Hihvai tawh kisai in Finance Ministry te’n tuni in Statement khahkhia uh a, vanzuak Registered Traders khempeuh in GST 0% ah akikhiappen azuihpahding uh kisam hi ci’n pulakkhia uhhi.

GST akici “Goods and Services Tax” pen Malaysia gamsung ah abeisa 01 April 2015 panin akizang toto ahihi. Najib Razak in Prime Minister asep hunsungin GST hongkizang hi a, hih GST pen ka phiatmai dinghi ci’n Prime Minister Mahathir Mohamad inzong Election Campaign abawllai in akamciam khat ahihi.

Hih GST phiatmaiding vaitawh kisai in Malaysia Central Bank Governor Zeti Akhtar Aziz inzong Election khitciang khawllo in ki hanciam suaksuakding, “No turning back on GST abolishment” ci’n apulakzel hi a, tuni petpet in Finance Ministry te’n Official in tangkota ahih manin, ahanciamna te atangtung taktak hita hi.

Najib makaih kumpi “Najib’s Government” in tukum 2018 kumsungin GST bekbek akigawm in RM43.8 billion ringgit (US$11.05 billion) dongkhiatding geelna anei uh ahihi. Tua RM43.8 Billion pen Total Revenue ii 18% bang hipah hi.

Ahi zongin Prime Minister angahthak Dr. Mahathir in GST pen tuazahzah dongkullo in kumpi in Revenue akicing in neikhinzo hi. Tua ahih manin abeisa in GST aval in apiakha tezong Reimbursement ngetkikna tawh ki piakik dinghi cisawnsawn hi.

More: Kuala Lumpur khuasung ah khutdawhngen in avak Rohingya naupang 11 kiman

GST pen 2015 kumin Najib Razak in sathau “Fuel Price” akiamtuam dingin apatkhiat ahihi. Dr. Mahathir in GST phiatmaiding vaitawh kisai in Briefing zong kakah a, Fuel Price tawh kisai in abeisa in Wednesday ni simin etphatna aki neizel cihi.

Ahi zongin tu akipan sathau “Fuel Price” tawh kisai in akhang akiam cihbang ki omsaklo in, tulaitak amanzah pen hisuakden dinga, akisapleh kumpi in liautuak zawding “Subsidise” zawding hi ci’n genkhia hi. Sawltak #zomidaily