Selayang vengsung ah Malaysian gammi Grab Driver athatlum Myanmar numei khatleh pasal khat kiman

Selayang vengsung ah Malaysian gammi Grab Driver athatlum Myanmar numei khatleh pasal khat kiman

Malaysia, Selayang vengsung ah Grab Driver khat abeisa Saturday (June 23) ni ki thatlum hi. Tua Grab Driver athathlum Myanmar gammi pasal khatleh numeikhat kimankhiata cih Bernama pan kiza hi.

Hihvai tawh kisai in palik thunei ahi Gombak District Police deputy chief Supt Tey Kong Seng in agenkhiatna ah tua mithat Myanmar gammi 2 tepen Selayang Area sungah tuni Tuesday (June 26) zingsanglam 1am hunin ki mankhiata hi ci’n genkhia hi.

Grab Driver athatlum Myanmar gammi 2 akici tepen kum 20 gualpawl pasal khatleh kum 30 gualpawl numeikhat ahihi. Grab Driver kithahlupna vaitawh kisai in tua Myanmar gammi 2 te akiman hi a, thusitna kinei totoding cihi.

Thahlup athuak Grab Driver papen amin Aiman Nosri kici a, Malaysian gammi hi in, kum 27 aphakhin khat ahihi. Ama mawtawzat pen Perodua Myvi mawtaw namte hi a, Saturday nitaklam in Taman Selayang Makmur geinai ah asisa in akimukhia ahihi. Mawtaw sungah asisa in akimukhia hi a, agawl aki meklumcip in asi hiding kici hi.

Video: A GrabCar driver, believed to have been murdered, was found with strangulation marks on the neck in the backseat of his car at a parking lot in Taman Selayang Makmur, Selangor on Saturday night. Aiman Nosri was believed to have last ferried passengers from Jalan Tun Tan Cheng Lock to Selayang Baru at 9.34pm on Thursday.

Grab e-hailing Service panin tua mawtaw akawmnunung kuahiam cih akankhiat uhciangin Myanmar gammi te ahihlam kitheikhia cihi. Grab Service te ii Record sungah aki muhkhiatna ah Grab Driver pa in tua Myanmar gammi Passenger tepen Jalan Tun Tan Cheng Lock panin Pickup abawl hi a, Selayang Baru zuanin mawtaw tawh akhading in apaipih cihi.

Misi Grab Driver pa ii aluanghawm pen zato ah Postmortem akibawl ciangin agawl kimekcip, ki hencip in, huih diktheilo “Suffocation” tawh asi hi ci’n ki pulakkhia hi. Ama puansilh T-shirts khattawh agawl ki hencipsak in huih diktheilo in asi kici hi.

More: Selayang aom Homestay numei kisilbuk sungpan Spy Camera ki mukhia

Grab Driver pa asihkhit ciangin mawtaw sungah akoih asumbawm leh Handphone tezong mangcip kici hi. Hih Grab Driver sihna vaitawh kisai in Myanmar gammi 2 tepen Murder Case tawh thu akibawl hita hi. Mithat vaitawh akiman Myanmar gammi tepen Selayang vanzuakna Wet Market ah nasem kici a, amin apuan ki pulakkhia nailo hi. Selayang vengsung ahbel Myanmar gammi ci’n akiminvawh acivomte honkhat inntek mahmah uhhi. Bangbang ahi zongin Myanmar cihtawh kilo pahpah ahih mani, Myanmar gammi tepen hongki nuamtuamlo khading hi. Sawltak #zomidaily