US Supreme Court Justice khat ding kikipsak ta

Breaking News: US Supreme Court Justice khat ding kikipsak ta: Atheih Huai US Supreme Court:

US gam ii Court asang pen ahi US Supreme Court ah Justice mun khat a awn na tawh kizui in President Trump (Pu Trump) in ama muan pen ahi Judge Amy Coney Barrett pen kip sak theih nadingin Senate ah hong puak na tungtawn in US Senate ah nai tampi akikup khit zawh uh ciang tu ni vote kila in 52-48 tawh kipsak (confirm) ta uh hi. Pu Trump ii Kumpi sep kum 4 sung Judges 3 pen Supreme Court ah aguan na hi ta aa, ama gualzawhna lianpi khat zong ahih manin kipah huai mahmah hi.

Tua bek thamlo in ei Pasian thu um te’ i gualzawhna khat zong ahi hi. Supreme Court ah tulai tak Justices teng en kik leng:

• 1. Associate justice Samuel Alito (Appointed by W. Bush)
• 2. Chief justice John Roberts (Appointed by W. Bush)
• 3. Associate justice Clarence Thomas (Appointed by H.W. Bush)
• 4. Associate justice Stephen Breyer (Appointed by Clinton)
• 5. Associate justice Elena Kagan (Appointed by Obama)
• 6. Associate justice Sonia Sotomayor (Appointed by Obama)
• 7. Associate justice Neil Gorsuch (Appointed by Trump)
• 8. Associate justice Brett Kavanaugh (Appointed by Trump)
• 9. Associate justice Amy Coney Barrett (Appointed by Trump)

US Supreme Court pen US gam ah asang pen Court hi aa, 1869 in Justices 9 tawh akiphuan khia ahi hi. Asang pen court ahih mah bangin gam aading vai thupi tampi khensatna nei uh hi. Supreme court rules pai dan ah case khat san theih nadingin Justices 9 lak pan 4 in a thukim (4 votes) kul aa, case khat azawh theih nangin Justices 9 sung pan 5 te in athukim (5 votes) kul hamtang ahi hi.

Abeisa hun te ah vai thupi mahmah te sung pan Nu leh Nu, Pa leh Pa kiten theihna (same-sex (gay) marriage), Nau phiatna (abortion), Obamacare, Transgender vai cih te zong khensat na nei uh ahi hi. Supreme Court in akhensat nak leh US State khempeuh in azuih kul ahi hi. Hi thu te pawlkhat pen Pasian thu tawh zong kituak vet lo ahih manin mipi atam zaw in sang thei lo uh ahi hi.

Tulai tak Supreme Court ah Pu Trump ii hong guan Justice khat tawh hi leh tu in Conservative (Republicans) lam te 6 leh Liberal (Democrats) lam te 3 om ta aa, conservative te 3 in tam zawh ta uh ahih manin Democrats lam te dah mahmah uh hi. Tua hi aa, Supreme Court pan mipi deih loh thu te bang teng hong lumlet khia kik ding hiam cih akua mapeuh in lung ngai tek ta uh ahi hi.

Tu ni Supreme Court vai thu piang pen Pasian deihna hi dingaa, Topa in US gam hong puah kik nuam hi ding hi ci in kilamen tek hi. Thomas On Sian Mung (Thomas Mung Guite) Washington D.C October 26, 2020 (Sunday). MOMNO Media & Museum