Malaysia, Kuchai Lama ah Police te’n damiah mi 5 akaplupna Video update

Malaysia, Kuchai Lama ah Police te’n damiah mi 5 akaplupna Video update

City police chief Comm Datuk Seri Mazlan Lazim in agenkhiatna ah guta damiah tetawh akipawl apualam ah angak Gang Member khatpapen thauging azak ciangin mawtaw khattawh taikhiat vingvengsawm cihi. Aki thuahpih adang guta damiah tepen Police tetawh Shopping Mall ii Car Park sungah aki kaptuah uh hi a, Police te’n aphual ah guta damiah 4 kaplum theipah uhhi.

Malaysia, Kuchai Lama ah Police te’n damiah mi 5 kaplum

Malaysia, Kuchai Lama vengsung aom Shopping Mall khatah Police te’n damiah guta mi 5 thautawh kaplum cih NST pan kiza hi. Tua damiah “Robbers” tepen Shopping Center sung aom suangmanpha zuakna “Jewellery Store” sungah abuluh uh hi a, tualaitak in Police te’n thautawh akaplup uh ahihi.

Hih thupiang pen tuni Tuesday nitaklam 4:30pm hunpawl in thupiang hi a, Shopping Center sungah vanzuak vanlei “Holiday Shoppers” atam mahmah laitak in buaina apiang ahihi.

Damiah guta mi 5 te lakah Robbers 4 tepen Shopping Center sungah aki kaplumpah hi a, adangkhatpen mawtaw tawh taikhia vingveng hi. Police te’nzong anung panin sulzuihpah uh a, 1km sungbang aki delhdelh khitciangin Police te’n tuapa zong kaplumthei uhhi.

Video: The police shot dead five of six men who staged a robbery at a goldsmith shop at a hypermarket in Kuchai Lama, Kuala Lumpur on Tuesday and caught the sixth robber. Selangor CID chief SAC Fadzil Ahmat said a policeman was injured in the incident which happened at about 4.30pm. He said four of the robbers were shot dead at the scene while one was shot dead about one kilometre away after he fled in a car. The police recovered two pistols and several machetes as well as a large quantity of jewellery.

Hih Robbers leh Police te thaukikapna panin Police Officer khatzong akhe kikapliamkha hi. Ahi zongin University Malaya Medical Centre ah kipuakpah a, bangmah sihlawhliang nading in liamgawplo, Stable Condition hi ci’n thunei te’n genkhia uhhi.

Hihvai tawh kisai in palik thunei ahi City police chief Comm Datuk Seri Mazlan Lazim in agenkhiatna ah damiah te leh Police te kikaptuak uh a, ahi zongin khuasung mipi kuamah akikapkha, aliam omlo hi ci’n genkhia hi. Nungsungteng innki buluh pawlkhat omkawikawi a, tuate zong abanban in aki kankhiat laitak hi ci’n genbeh hi.

More: Malaysia, PJ vengsungah damiah taihin mawtaw asuhsak laitak Video ki khahkhia

Tua damiah te vanzat ahi thau 2 leh namsau honkhat zong aphual ah kimukhia a, tuaban ah damiah te’n atai khiatpihsawm suangmanpha Jewellery honkhatzong Police te’n buainaphual panin mukhiakikthei uhhi. Kumpi thunei te’n athu ala akician in limtak in akankhiatsan laitak ahihi. Sawltak #zomidaily