Congratulations brother Dr. Lianpu (Dr. Pau Lian)

Congratulations brother Dr. Lianpu (Dr. Pau Lian)

Lungdampihna: Dr. Lianpu Health Seminar/Workshop kah ding Kawlgam pan kitelkhia

Kawlgam Kumpi Ministry of Health and Sport te vaihawmna tawh New Delhi, India ah akibawl “Global Development Centre Fellowship Programme in Public Health Management Workshop/Seminar” va kah dingin Kawlgambup Siavuan (Medical Doctors) tul tampi lak pan mi 2 kitel khia aa, tua doctor nih te lak ah Kanpetlet Hospital (Zatopi) aa Siavuanpi & Deputy Director asem Dr. Pau Sian Lian (Dr. Lianpu) (ka sanggam laizom) zong kitelkhia ahih manin i minambup aading angtan huai mahmah hi.

Public health management workshop pen February 23 pan March 7 sung Delhi ah kah uh aa, tua khit zawh ciang “the Certificate in Global Development Centre Fellowship Programme in Public Health Management Workshop” laidalpi hong la thei uh ahi hi.

Dr. Lianpu pen Medical doctor asep zawh kum 10 val ta aa, asepna Kanpetlet hospital in 2018 kum sungin Kawlgambup ah “cidamna lam etna, kepna ahoih pen Zato” in kitelkhia ngei aa WHO pan zong pahtawina laipi ngah ngei uh hi. Amah pen Zomi Siamsin makai lui, CLCC makai lui leh MOMNO Newsletter Chief Editor lui zong ahi hi. Topa in Dr. Lianpu hong lam sang to to lai ta hen. A lungdampih, Thomas On S. Mung (MOMNO Media & Museum, Washington D.C)