Malaysia, Cheras vengsungah Pistol tawh mikhat kikaplum
Malaysia, Cheras vengsung ah tuni Friday (Mar 10) ni in pasal kum 39 aphakhin khat thautawh kikaplum cih theStar pan kiza hi. Cheras, Bandar Tun Hussein Onn pen 9th-Mile Cheras (Batu 9 Cheras) sung aom Township khat hi a, asipa pen innsung ah aomlaitak alu thautawh akikap ahihi.
Malaysian Police te genna ah Jalan Suakasih 2/2 aom inndawl 3 apha khatsung ah aki kaplum ci uhhi.
Asipa pen Japan Ipoh aom hi a, aminpen Polie te’n genkhiatding phalnailo uhhi. Tuapa pen hih innsungah zankim khitdeuh ciangin ahawh hi a, asumbawlpih Businessman khattawh akimuding in ahawh kici hi.
Kum 54 aphakhin Businessman pa ii genna ah zingsang 3am hunpawl in inntung inndawl 3 na ah thaukikap aging kazak ciangin inntung ah kadelhtopah cihi.
Inntung atun ciangin mikhat sualtungah atuksa in na om a, amailam atal thautawh kikapliam hileh kilawm cihi. Tuapa ii akhutsung ataklam ahzong Revolver thaukhat tawikawm in atuksa in om cihi.
Tuabang teng amuh ciangin Businessman pa inzong aneipen aom Police Station ah Report bawlpah hi.
Kajang OCPD Asst Comm Othman Nanyan kicipa ii genna ah hih thautawh kikaplupna vai ah thumanlo omkhading hi ci’n amuhkhiatna uh genkhia hi.
Misipa atukna inndawl 3 na pen Businessman pa ii tawlngakna in azat Recreational Area kici hi.
Aki kaplupna ah akimu thau zong palik te’n kempah uh a, tuaban ah thudotna neihding in Businessman pa leh azi, anasem, innkuanpih teng avekin mi 13 kiman khinta cihi.
Tua thautawh kikaplupna munah aomkha mi 11 te ii Samples zong palik te’n lapah uh a, thautungah khutma aomte tawh situahding uhhi. Hih kithahna apianna innneipa pen Datuk Seri akici khat hi a, hih inndawl 3 aphapen VIP huangsung ah aom ahihi.
Mercedes-Benz mawtaw khatzong hih huangsung ah kimu in, a Windshield tungah VIP leh VVIP Stickers kibelh cihi. Police te’n athu akancian laitak uh hi a, Forensics Team te’nzong tua hungsung aom mawtaw leh upmawh vankhempeuh tungah khutma Fingerprint te lakawikawi uhhi. ZD Sawltak #zomidaily
Comment piaknop aomleh...