Malaysia ah zudawnkhawm lawmta nih thautawh kikaplum
Malaysia, Perak State sungah lawmta zudawnkhawm in, zukhamsul in kitawng uh a, thautawh kikaplum cih theStar pan kiza hi. Perak, Sitiawan khuasung aom Restaurant khatah zudawnkhawm uh hi a, kitotna apiangkhit ciangin khatpa in alawmpa thautawh naicik bulhtuahliang in kaplum hi.
Police te pulakkhiatna ah Friday zanlam 10:50pm hunpawl in buaina apiang ci uhhi. Restaurant khat ii apualam mawtaw koihna Parking Area ah zudawnkhawm lawmta aki kaplum uh ahihi.
Kaplup athuakpa pen kum 66 aphakhin Ling Lu King akici akkhawl nasep tawh akivak Chick Farmer khat ahihi. Akalumpa pen Chu Phan Hoo kici a, amahzong kum 61 aphakhin khat ahihi.
Chu Phan Hoo kicipa in azudawnpih alawmpa pen thauka “Double Barrel Shotgun” tawh bulhtuah dekliang in 3 veitak kapmawk hi. Ling Lu King pen aphual ah sipahlo a, ahi zongin Seri Manjung Hospital ah zatui zaha tawh Treatment akibawlbawl laitak in asi ahihi.
Video: A man killed his friend with a shotgun at Kampung Koh in Sitiawan, Perak around 11pm on Friday after a drinking session. The suspect apparently then killed himself in his vehicle after leaving the scene.
https://www.youtube.com/watch?v=-SNeHQkgFBQ
Hihbangin zudawnkhawm lawmtate aki kaplup laitak Video Record kibawlkha in, tua Video Clip tomno pen Social Media ah ki thehzakpah hi. Video sungah Ling Lu King pen leilak ah tuksuk in, alawmpa in thauka tawh kapbehbeh lailai hi.
Kaplup athuakpa inzong thauneu khat apua hihtuak hi. Chu Phan Hoo in amasa in khatvei thautawh kapmasa in, tuaciangin alawmpa leilak ah tuksuk hi. Atukkhit ciangin a ipsung panin athaupuak lakkhiatsak masa hi. Tuakhit ciangin bulhtuah dekphial in nihveimah kapbehsuk leuleu hi.
Police Report pan akizakna ah hihte lawmta pen zudawnkhawm in, tuapanin akitawng uh cihi. Ahi zongin aki totna ahang taktakpen kitheicianlo hi.
More: US gam Georgia State sungah thau kapna piang, mi 5 si, 2 liam
Chu Phan Hoo in alawmpa akaptuk khitciangin taimang vingveng a, ahi zongin Police te’n a mawtawzat tawh kankhiathei veve uhhi. Ahi zongin Chu Phan Hoo pen Police te’n amatma in amahleh amah thautawh naki kaplum khinta hi. Police te’n tua lawmta te ii athauzat Double Barrel Shotgun leh Semi-automatic Pistol tezong Chu Phan Hoo ii mawtaw sungpanin mukhia uh cih kiza hi. Sawltak #zomidaily
Comment piaknop aomleh...