Malaysia, Cameron Highlands – Sungai Koyan kikal lamzikpi mencim

Malaysia, Cameron Highlands – Sungai Koyan kikal lamzikpi mencim

Malaysia gamsung ah nungsungteng guahtui tamluatna hangin, Cameron Highlands – Sungai Koyan kikal kikawmna lamzikpi pawlkhat mencim cih NST pan kiza hi. Zanni Saturday nitaklam 2:30pm hunpawl in mawtaw paina lamzikpi akicim ahihi.

Hih thupiang hangin palik thunei ahi District police chief Superintendent Azry Akmar Ayob in mipite tungah kidopding zaksakna nei a, mawtaw ahawl te’n khualzin ciangin hoihtak kidopding leh adiakdiak in zanlam mawtaw ahawlte kidop huai phadiak hi ci’n genkhia hi.

Hih lamzikpi kicim cih akizak ciangin Sungai Koyan Police Station panin Officers honkhat in delhpah uh a, aphual ah mawtawhawl te’n amuhtheih, akidop theihding in Signage leh Barricade Tape te koihin umcip uhhi.

Hih lamzikpi akicip laitak in mawtaw anakkha kuamah omlo bilbel ahih manin, hih mencim hangin asi aliam kuamah omkhalo hi ci’n Police Chief in genkhia hi.

Hih lamzikpi apuahkik dingin Police te’n District Public Works Department te zasakpah uh a, amanlang in ki puahkikding hi.

Hih buaina pen Roadcare Sdn Bhd te tungahzong kizasak a, akicimlo acianlai te amuanhuaidiam, mawtaw in anawkthei laidiam cih etcianna neisakding uhhi.

More: Philippines ah huihpi nawkna hangin misi kibehlap, asi 43, amangcip 45

Tulaitak Cameron Highlands zuanin apai lamzikpi te kihong veve, ki paithei veve a, ahi zongin Kuala Lipis khualam zuatna lamzikpi tepen ki khakcip photding cihi. Abeisa kalsungteng guahtui tamluatna hangin hihbangin mencim leitolh apiang hi ci’n thunei te’n genkhia uhhi. Sawltak #zomidaily