Global Zomi Idol Tonzang Sub-center kidemna lawhcing

Global Zomi Idol Tonzang Sub-center kidemna lawhcing

Global Zomi Idol Tonzang-Cikha ai kidemna November 20, 2019 ni in VMBC biakinn, Tonzang ah nuamtak in kibawl khinzo hi. Lengtong Kam Khen leh Lasiam minthang Cing San te zong hong kihel thei uh hi. Judge hong sepsak pen Tonzang RC pawlpi tuucing Father Francis Paci, Nu Nia Niang (Mrs. Tun Tun Naing), Sia Khen Zam leh Cing San te ahi hi.

Sun in blind audition kinei a tualak pan in mi 10 kitelkhia hi. Tua mi 10 teng music band tawh nitak ciang in kidemna kinei sak hi. Biakinn dimlet in mipi in thapia hi. Tua mi 10 lak pan in GZI kawlgam ai kidemna ah akahto ding mi 5 kitel khia hi. Tua akah ding mi 5 teng anuai a teng hi.

• 1. Mang Sian Huai
• 2. Khawm Khan Muang (Tui Khiang)
• 3. Zam Lawh Nuam
• 4. Lian Sian Muan Cing (Talek)
• 5. Niang Sian Liim

ahi hi. Nitak a kidemkha mi 10 teng Pu Tun Tun Naing + Pi Nia Niang te innkuan in letsong hong piaksak hi. Top 5 teng ZYA-Tonzang in 2020 kum Zomi Nam Ni ciang in pahtawina pia lai ding hi.

Tutung Idol kidemna ah akisam mahmah sum tawh huhna anuai a teng in hong pia ahih man in lungdamna ih ciamteh hi.

• 1. AD Salai Thawng Ks. 100,000/ (tul zakhat)
• 2. ZYA-Tonzang Ks. 100,000/ (tul zakhat)
• 3. Father Francis Paci Ks. 50,000/ (tul sawmnga)
• 4. Pu Pau Suan Kim Ks. 30,000/ (tul sawmthum)

Biakinn hong zangsak inntek pawlpite leh music hong tumsak teng’ tungah zong ih lungdamna ih ciamteh hi. Lungdam, Mung Laan Thang (Vice President, Tonzang ZOMUS)

Kisuang Mahmah Ing

Tulai dahna leh thangpaihna tawh ih kidim laitak in hih thu kong pulak ding ka kisuang mahmah hi. Ahizong in sawtpi a gelsa ahih man in pulak loh phamawh ta ahih man in hehpihna in hong maisak un.

Global Zomi Idol (GZI) kidemna ah Tonzang – Cikha kuam ai zingciang (Nov. 20) in VMBC biakinn, Tonzang ah kinei ding hi. Zingsang nai 10:00 akipan music kihello in kidemna om ding a tualai pan in mi 10 kitel khia ding hi. Tua mi 10 teng nitak ciang in music kim tawh kidem ding uh a tualak pan mi 5 kiteng khia ding hi. Telcing mi 5 teng Pu Tun Tun Naing & Pi Nia Niang te nupa in letsong hong piaksak ding uh a, ZYA-Tonzang in zong 2020 kum Zomi Nam Ni ciang in letsong limci pia ding hi.

Tedim pan in Zomi lasiam minthang Cing San zong hong pai ding hi. Nitak hun hong makaih ding in Lengtong Kam Khen leh apawlte zong hong pai ding hi.

Nitak Mi 10 kidemna teng ZYA-Tonzang group (Facebook) pan in Live in kikhah ding hi. Mipi te’n tha nongpiak nading un kong cial uh hi. Tonzang ZOMUS Committee tang in, Mung Laan Thang (Vice Prsedent, Tonzang ZOMUS)