London ah Zomi Nam Ni 2016

‎London ah Zomi Nam Ni 2016

ZOMI NAM NI GET – TOGETHER 2016 (London, United Kingdom, 20 February 2016)

20 February 2016 ni in United Kingdom mun tuamtuam a om Zosuante’n London khuapi ah ‘Zomi Nam Ni Get-together 2016’ cih min vawh in kimuhkhopna na nei uh hi.

Hih ni pen 1948 kum a Chin state, Burma a om Zotate’n mipi deihna (democratically by casting of votes) tawh feudal chieftainship (hausa ki-ukna) ki phiat hen ci a thukim ni uh hi. February 20 ni pen (1987 kum in) India kumpi in Mizoram lam a om Zotate Statehood Day a guat ni zong ahihmanin UK a om Zosuante’n hih kimuhkhopna pen kisam leh thupi ngiat ci in khuapi tuamtuam panin mipi 80 val na paikhawm uh hi.

Holimna, lasakkhopna, lamvuikaihna, thu tomno gen a ki hanthawnna, Topa tungah lungdamkohna, gam leh nam leh unaupih mun tuamtuam a omte ading thungetsakna, salpha te sunna leh Zo ann tuamtuam nekkhopna in hun manpha leh nuam mahmah na zang khawm uh hi.

Mipi paikhawm te ahihleh kipatna khua tuamtuam pan hi uh hi – India lam panin Meghalaya, Mizoram, Manipur leh Assam state; Kawlgam/Burma lam panin Chin state, Tahan, Kaleymo leh khuapi dangdangte. Zosuante gam tuamtuam ah om mah le uh, unau khat ahihna uh phawk thak semsem in om hi.

• Hih hun ah La tawh hong pawllim:
• 1. Pi Daduhi Khiangte
• 2. Lia Deih Cing
• 3. Lia Felicia Singson
• 4. Tang Zatea HN Zate

Thugenna hong neihsak leh a Thulu te uh:
1. The Zo people and Zomi Nam Ni – Pu Thang Sian Mung (President, Zomi Innkuan UK)

2. Our resources, our future – Pu Kailean Khongsai (Community Manager, A Rocha)

3. My vision of Zo people’s future politics – Pu CS Dal (Policy Analyst, Dept for Education, UK)

4. Challenges of/facing the Zo people – Pu Lalthanglien Ruolngul (IFS, High Commission of India, UK)

Hunnuam tak zatzawh a hih in khelah tak in mai kum ading mitsuan kawm in kikhen uh hi.