Najib innmai ah Police pawlkhat in a encikding in ngakcipta

Najib innmai ah Police pawlkhat in a encikding in ngakcipta

Malaysia Primi Minister asemlui Najib ii a innmai ah Police te’n khakcip in ngakcip dimdem uh cih Bernama News pan kiza hi. Tua Datuk Seri Najib Tun Razak ii a innpen Taman Duta, Jalan Langgak Duta vengsung aomm Private Residence hi a, atunga Photo pen tuni Sunday ni in palik te’n mawtaw tawh angakin aom laitak ahihi.

Sentul deputy police chief Supt Mohamed Rafiq Mohamed Mustafa ii genkhiatna ah Najib ii a innmai ah angakcipding, Security lakawm in a encikding in Sentul Police Station pan palik te kizang hi ci’n Bernama te tungah genkhia hi.

Bernama News panin nasem te’nzong Najib ii Private Resident maiah angakcip in aom Police mi 5 kamu uhhi ci’n genkhia uhhi. Ahi zongin tua Najib ii Private Residence Area tengah Media Practitioners te, Reporter te aomcipding kiphallo, ki khamcip cihi.

Ih zaksa mahbangin Najib leh azi tepen Malaysia gamsung panin apusuak theilodingin Immigration te ii Blacklist sungahzong aki koihkhin ahihi.

Zanni Saturday ni inzong Najib ii aomna Apartment Block sungteng ah Police te lut uh a, Document thupi akikemsim aomhiam ci’n zonna nei uh cih Reuters te’n genkhia hi. Tua Sensitive Document athupi te gampua lamah aki puakkhiat khakding kipatau ahih manin, hihbangin akizong hi ci’n Senior Police Officers nihin genkhia uhhi.

Ahi zongin City police chief Comm Datuk Seri Mazlan Lazim in agenkhiatna ah Najib leh a innkuanpih te omna Apartment pen aki buluh, Raid hilozaw in, CCTV Footage te aki en, akisit hizaw hi ci’n genkhia hi.

Pavilion Residences Apartment aom nasem tampi te genna ah Police Team te Saturday sunlam in hongpai uh a, ahi zongin banghih cihpen kathei ciankei uhhi ci’n genkhia uhhi.

Malaysia gamsungah gammakai kiteelna General Election pen May 09 (Wednesday) ni ahihi. Dr. Mahathir ii makaih PH (Pakatan Harapan) te’n gualzawhna angah uhciangin Dr. Mahathir pen Prime Minister dinmun hong tungto hi. Election amanzawh, Prime Minister angahkhit phetin Malaysia gamsungah Thursday leh Friday ninihsung zumkhakni, Public Holiday in tangko khiasak hi.

More: Italy, Rome khuapi sungah Passenger Bus khat meikang in puakkham

Pawlkhatte genna ah Election amanzawh Thurday ni akipan Sunday nidong, ni 4 sung zumkhakni in aki tangkona pen Najib in asumte gamdang ah akhakkhiat theihloh nadingin Public Holiday in aki tangkosak hi, Bank te nasemlo dingin akibawl hi ci’n agenkhia zong om uhhi. Bangbang hileh Dr. Mahathir pen abeisa in Malaysia gamsung ah Prime Minister kum 22 sungtak asemngei khinkhat ahih banah, Najib zong apattahsa hisam ahih manin, Dr. Mahathir pen pilzaw, teeizaw, asepzia siamzaw hi acizong om uhhi. Sawltak #zomidaily