Tulaai Leitung Thuthang tuamtuam te Updates (Nov 27)

Tulaai Leitung Thuthang tuamtuam te Updates (Nov 27)

Kawlgam ah Pope Francis tungta
Roman Catholic Biakna thuzui te makaaipi lah ahi Vatican gam I kumpipa lah ahi Pope Francis peen athulamdang mahmah in Kawlgam ongzintakpi mawk a November 27, 2017 ni in Kawlgam tung in nitaaklam ciang in Kawlgam Ukpipa Min Aung Hlaing tawh kimupah seisai hi. Kawlgam Ukpi pa Min Aung Hlaing in bel Kawlgam ah Biakna kideidanna omkilkelkei kacih ci in genkhia hi.

Tutung Pope Kawlgam ongzinnatawh kisai in Biakna vaai hi ta leh gamvaai hitaleh Khangkhat a ding in athulamdang mahmah khat in kiciamteh hi.VOA

Britain Kumpino Prince Harry in US Nungak khat Zuthawlpia

Britain kumpino khat ahi Prince Harry in US gammi kineihsiam minthang mahmah leh aci adupvom nihneh Meghan Markle pen aziding in Zuthawl piata hi ci in taangpi taangta zaakding in Prince Harrry I pa Prince Charles in November 27, 2017 ni in taangkokhia hi. Amu te nih in agenna vuah kakimuhcil vua kipan kisuaicip cilel uhhi.2018 khualum hunsung kiteenna bawltading cin gen uhhi.BBC

Meilual Puakkham ding

Indonesia gam Bali tuikulh tung a om Agung mualtung ah November 25,2017 ni pan kipan in Meimual puakkham ding in soneetneet ta ahihman in thunei te in minawnkhiat kipan pah ziahizah uha, November 27, 2017 ni in mipi 29,000 kinawnkhia khinzo in Khualzinmi 50,000 bang I vanleeng ticket te ki nawlkik hi. Ongpuakkham lian leh Km8-10 kikaal kitamkhamding a zinlinna cihte nasiatak in piangding ci uhhi. November 27, 2017 ni peetpeet in alauhuaipeen dinmun tungta naaimahmah ta hi ci in thunei ten taangkokhia uhhi. VOA

Russia te Bomb khiat hang in mipi si

Russia te gaalvanleeng in November 26, 2017 ni in Gialkia bang in Syria gam Deir al-Zour khuapi sung Bomb khiat mawk uh ahihman in mawhna neihetlo mipi numei naupang akigawm in mi 53 in sihlawh hi ci in SOHR ten taangkokhia uha, November 27, 2017 ni in Russia ten ko khiat hikilkelkei ci n thalnial uhhi.BBC

Sabbath Ni a nasep lungkimlo in nasep khawl

Israel gam I cidamna lamsang ah Ulian khat ahi Health Minister ban ah ultra-orthodox United Torah Judaism party member khat zong ahi Yaakov Litzman in Sabbath ni in Kumpi thunei ten Meileeng lampi setvan sia puahding ageelnatawh kisai in lungkimhetlo ahihman in apanmunpan khawlna laai November 27, 2017 ni in thuneite tung ah puak hi. Alai tung ah” Jewish mite ading a athupi mahmah Sabbath ni palsat a nasepna I mawhna peen kapuakngaap kei” ci in gen hi. Reuter

More: Banghang in President Trump zi in Pope tawh akimuhciang dial khimhiam?

Rohingya vaai UN ah nasiatak kikupna leh khensatna kineiding

Ongtungding December 5,2017 niciang UN Human Rights tawh kisailam thunei te in Rohingya tetawh kisai in bangci bang akaalsuanpih a bangcibang a kawlgam te mawhpaihding cihtawh kisai nasiatak in kikupkhopna khat omding ci in November 27, 2017 ni in genkhia uhhi. Thukhat ah hibang a Kawlgam mawhna sung ah a awklingleng laaitak a Kilemna Kumpipa akicphial Pope Francis ongzin a athupatna in Gaalkaap Maangpipa tawh kimu mawk ahihman in Kawlgam maban zong lungluut huai mawhlo ding hi.VOA Thang Khawm Pau