Sengam apuakkhamvai Update: Mi 2 si, mi 2 mangcip in mi 20 liamgawp

Sengam apuakkhamvai Update: Mi 2 si, mi 2 mangcip in mi 20 liamgawp

China, Ningbo City sungah zanni Sunday (Nov 26) zingsanglam in apuakkham nasia mahmahkhat om a, tuapen athu akikankan ciangin “Septic Tank” khatpanin apuakkham hiding hi ci’n Local Authorities te’n genkhia uhhi. Tua apuakkhapna munteng pen khuasung mipi te kinehtak in ateenna kuamsungkhat hisawnsawn ahih manin, inn tampitak in asiatlawh ahihi.

Hih innkhat apuakkhapna hangin mi 2 in sihlawh a, adangzong mi 2 kimuzolo, mangthangcip cihi. Tualo adang aliampen akigawm in mi 20 bangmah phamawk hi ci’n Government of Ningbo’s Jiangbei District te’n Sunday nitaklam in Weibo tungtawn in pulakkhia uhhi.

Hihvai tawh kisai in mipil misiam leh Experts tuamtuamte’n banghangin hihzahliang in khauhtak in apuakkham omtheimawk hiam cih limtak akansan laitak kici hi. Tua apuakkhapna innsungah Gas Pipeline cihtezong aom hilo ahih manin, Gas panin apuakkham ahiding inzong ki ummawhlo cihi.

Zhuangqiao Sub-district Administration te pulakkhiatna ah hih apuakkham hangin innsia bekbekpen akigawm in 360 Households & Units pha ciliang uhhi. Apuakkham pen nakkhauhlua mahmah a, “deadly blast” kiciliang hi.

Local khuasung mite genna ah apuakkham agingpen inntungdawn panin lingsukgawp in, tawlet Windows te kitamkham ziahziah a, kongkhak Windows tezong ki zialtongawp cihi.

A puahkhapni Sunday ni inzong Chinese State Television te’n agenkhiatna ah hih apuakkham pen innkhat aki susiading in akikoih panin apuakkham hi ci’n genkhia uhhi.

Video: Fatal blast in Chinese port city of Ningbo happened at septic tank outside village

China gamsung ah hibangdan apuakkham pen omthei zelzel a, tualak ah hihpen anunung thupiang ahihi. 2015 kum inzong Industrial Binhai New Area sung aom Tianjin Port City ah apuakkham omngei in, mi 173 takin sihlawhmawk uhhi. Aliamzong mi tampitak pha kici’n ki ciamteh hi.

More: India ah Power Plant khat puakkham in mi 16 sikhin, 100 val liam

Nungkum October khasung inzong Shaanxi Province sung aom Fugu County sungah miteenna Residential Complex khat puakkham in, mi 14 takin sihlawh uhhi.

Tukum June khasung inzong Shandong aom Chemical Plant khat puakkham in, mi 10 in sihlawh uhhi. Sawltak #zomidaily