China in US te tuinuai tuithe vanleng amatsak uh piakik ta

China in US te tuinuai tuithe vanleng amatsak uh piakik ta

Dec. 21, 2016: China ten Dec.15 in USte underwater drone (glider) South China Sea kiim-a International sea ah a matsak pen uh US tawh lawmta bangin kihona (friendly talks) a kineih khit ciangin kipia kik ta hi ci uh hi. Pentagon in USte galdona teembaw Bowditch panin a khah khiat uh hih tuinuai tuithe vanleng pen China in a piak kikna dingin ngen a, Trump in bel China ten tua a guk uh a tang nop uh leh tang uh hen. US in tua tuinuai tuithe vanleng kisam lo hi ci-in a Twitter ah tuangsak hi.

China in bel a piak khiat ma-in USte tuinuai tuithe vanleng (unmanned underwater vehicle) a kimatsak masakna pen hilo a, hih pen a dangte sangin hoihzaw ahih manin a thusim ciamteh (classified information) khempeuh a kiphiat khit ciangin kipia kik ding hi ci hi.

Pentagon in bel tua tuinuai tuithe vangleng pen thusim kanna dinga kizang hilo a, hih bang technology pen sum tawh lei-in kingah thei (commercially available technology) a, oceanographic data kaihkhopna dingin a kizang hi bek a, China in Philippines kiim-a om Subic Bay panin nautical miles 50 gamla ah Bowdtich teembaw in a lak kik dek in hong matsak hi ci hi.

More: Trump in President aletding adalnuam khempeuh lawhsam dikdek

Chinate’ defence ministry in US leh China lam panin lawmta bangin kihona a kineih khit zawh in zan sun in South China Sea ah USte kiangah kipia kik hi ci hi. Pentagon in zong guided missile destroyer USS Mustin teembaw ah China ten thukham tawh kituak loin tuinuai tuithe vanleng hong matsak uh hong pia kik ta a, China in internation law zahtak in a gamtatna ding uh kizasak in, thukham zui-in USte tungah hong gamtatna ding uh kihilh hi ci hi. Source: Reuters/ Thang Khan Lian