Leibat hangin innkuanbup (mi 5) takin sihlawh uh

Leibat hangin innkuanbup (mi 5) takin sihlawh uh

Malaysia, Kedah State sung aom innkuankhat avek un asihna pen akikan ciangin leibat “Debt” hang hiding kici hi. Nung Monday ni in hihte innkuan sungpan apa leh atate 3 asisa in lupna sungah kimu hi. Apa in atate 3 tak lukham tawh anak humcipsak in, athahlup khitciang in amahleh amah ki guiawk cimawk hi. Anu uhzong abeisa kal 3 hunlai in amahleh amah ki gui awk in asikhindeuh ahihi.

Hihvai tawh kisai in thukan Kedah CID chief Senior Asst Comm Mior Faridalathrash Wahid said K. Sivarau in agenkhiatna ah hih innkuanbup mi 5 tak in asihlawhna uhpen leibat tamluatman hiding cihi. A omna innsaap “House Rental” pen apiakloh sawtmahmah ta a, tuabek thamlo, sangnaupang 3 te ii sangsaap “School Fee” zong khatampi kipialo hi.

Mawtaw khat aneih sunsun uhzong khasim piakdetding “Monthly Instalment” kipialo ahih manin, Company te’n laksakkik uhhi.

Tuabang in leibat thaangbat haulua mahmah in, lungkhamlua in cihnading theinawnlo uh a, a nu aki khailup khitciangin apa zong atate meklum in aki khailum hiding cimawk hi.

Hihte innkuan pen tulaitak aomna innah abeisa kum 6 hunlaipawl akipan asaap uh cihi. Ni 20 sungin a innkuan un beimang, sikhinliang uh ahih manin, meltheih tanau te’n khasiatpih mahmah uhhi.

Leibat tamlua in thuakzo nawnlo in a innkuanbup un asihpih uh hilawmlawm hi. Leibatlak pen baihmahmah a, alohkikding pen hamsa kisatek hi. Hihpen mihing ngeina ahihi. Leibat tamlualeh ki thuaklah mahmah a, hihte innkuan in tua leibat tawh asihlawh lianguh ahihi.

Video: Family in disbelief over man who allegedly killed his kids

Malaysia ah papi khatleh atate 3 asisa in amau innsung ah kimu

Malaysia, Kedah State sung aom innsung khatah papi khatleh atate 3, akigawm in mi 4 tak asisa in kimu cih NST pan kiza hi. Sungai Petani khuasung aom Amanjaya, Perdana Heights kicihna innkhat ii lupna inndei sungah avekin asisa in akimu ahihi. Hih sihna vaipen Police te’n “Murder-suicide” Case hiding ci uhhi.

Zanni Monday nitaklam in hihte innkuan avekin asisa in akimu ci a, apapen amahleh amah khautawh ki khailum “gui awk” cihi. Asi ata 3 te lakah nihpen pasalno hi a, kum 5 leh kum 5 aphapan uh ahihi. Adang khatpen tanumei hi a, tuanu pen kum 8 aphakhin khat ahihi. Atate minpen Yamunasri, Sashvin Rau, Ragu Ram Rau kici hi.

More: Sangnaupang kum 8 khat sanginn ah simmawh bawlsiat athuakzawh ninih khitciang in ki gui awk

Thukan ulianpen khat ahi Kedah Criminal Investigation Department chief Senior Assistant Commissioner Mior Farid Al Athrash Wahid in agenkhiatna ah tua papipa pen kum 49 aphakhin khat hi a, aminpen S. Sivarau cihi.

Misi akimuhna lupnadei pen Double-storey House khat ii atungnungdawl ah hi a, innteekpa aki khailupna Bedroom sung tektek ah abeisa kal 3 hunpawl in azi zong amahleh amah ki khailumkhin cimawk hi.

Thukan ulianpa genna ah hih innkuan mi 4 tepen aluanghawm akimuhma nai 12 hunpawl in asikhin hiding uh cihi. Aluanghawm akimuhpen zanni Monday nitaklam 1:30pm hunpawl in meltheih tanau khatin amuhkhiat ahihi.

Innteekpa in amahleh amah aki khailupma in atate naklahcipsak “Suffocated” in athahlup khitciangin amahleh amah aki sihbawl hiding kici hi. Banghanghiam cihleh atate ii pumpi tungah bangmah liamma omlo in, ahi zongin asihna ahang taktak “cause of death” pen zato panin Doctor te Post-mortem tungtawn in kicianpending cihi. Aluanghawm tepen Sultanah Bahiyah Hospital ah kipuaksak hi.

Hihte innkuan pen banghang in azi asihkhit zawhzong sawtnailo in, innkuan beiliang in ki sihbawl, ki thatlumliang uhhiam cih akikan ciangin sumlepaai vai buaina “financial problems” hang hiding kicimawk hi.

Kum 60 aphakhin S. Punita akici nupi khat ii genna ah ka tanu pen abeisa kalthum hunpawl in hongnusia a, kadah akahzong vengnailo in, tu’n katu te 3 takleh ka makpa in hongnusia leuleu ci’n genkhia hi. Tua nupinu pen innteekpa ii asungnu (azi’ nu) ahihi.

More: Leibat lohnading in atanu numei kizuakna apuak nupinu kum 15 thong kiading

Tua asungnu pen innnuai ah alum hi a, amakpa leh atute pen inntung ah alum uh ahihi. Anunung kamuhpen zannitak annek laitak hi a, annek khitciangin nitaklam 10pm hunpawl in inntung ah alumding in akahto uh cihi.

Zankim ka ihmut laitak in atunu ii akah awging in hongphawng ci a, ahi zongin bangmah thusia apiangding in ka lamenkei cihi. Zingsang 8am hunpawl in kathokhia a, atute leh amakpa kuamah hong kumsuklo uh cihi.

Sun annek hundong kuamah akumsuk lohciangin inntung ah kahto in, kongkhak akiuhkiuh hangin husa zasa, kidawnglo ahih manin, kongkhak ahonleh patateng avek in asisa in na om cimawk hi. Asungnu in amakpa pen abeisa tawlkhatbel aomzia mantaklo, angei bangmello in, ahi zongin azi in asihsan tawh athuaklah hikhading ci’n ka ummawh ci’n genkhia hi. Khasiat huai, mulkimhuai giapgiap mahmah mawk uhhi. Sawltak #zomidaily