Leibat lohnading in atanu numei kizuakna apuak nupinu kum 15 thong kiading
Atanu kum 14 bek aphapankhat leibat lohnading in numei kizuakna ah apuak anu pen tuni Court ah thu kikhenta cih theStar pan kiza hi. Hih nupinu pen kukm 30 aphakhin khat hi a, ama sungtektek panin apiangkhia atanu pen leibat lohnading in numei kizuakna ah puakmawk hi. Tuahang in kum 15 thong kiading cih tuni Friday ni in Lawas District Office ah thu kibawl cihi.
Tuaban ah hih numeino pen numei kizuakna ah asemding in asang Karaoke Owner zong kiman in, thu kibawlkhawm a, amahzong kum 15 mah thong kiatheiding kici hi. Karaoke Owner nupipen kum 45 aphakhin khat hi a, kumcingnailo numeikhat akizuakding in vaihawmmawk ahih manin, hihnu ii mawhna zong alian mahmah ahihi.
Hih nupi 2 te banah adang pasal 2 zong kiman uhhi. Hih pasal 2 tepen numeino kum 14 khat numei kizuakna ah aki helkhakna om ahih manin, akiman uh hi a, kalkhatsung palik te’n akepkhit ciangin thu kibawlding cih kiza hi. Sawltak #zomidaily
Malaysia nupi khatin leibat lohnading in kum 14 aphapan atanu numei kizuakna ah puak
Malaysia, Sarawak ah kum 30 aphakhin nupi khatin atanu numei kizuakna ah zuakmawk ahih manin palik te’n manin thusitna nei uh cih theStar pan kiza hi. Tua nupinu in Koraoke Owner khat tungah leibat tampi nei ahih manin, tua leibat te alohkik nadingin atanu pen numei kizuakna ah azuak cita lawmlawm hi.
Hih thupiang tawh kisai in Sarawak CID chief Senior Asst Comm Datuk Dev Kumar tungah akidot ciangin atakpimah hi ci’n genkhia hi. Tuni Sunday nitaklam 2:15pm hunin anu pen palik te’n mankhin a, 3pm hunpawl in Koraoke Owner zong kiman suakpah cihi.
Hihvai tawh kisai in tuzingsang 10:55am hunpawl in aki theikhia ahihi. Khuasung hausa upa te’n numei khat Police Report bawlding in paipih uh a, tua numeino ii genkhiatna tungtawn in hihthu teng aki theikhia ahihi.
Tua zuak athuak numeino pen kum 14 bekbek hipan hi. Tua numeino ii genkhiatna ah apianna anu tektek in sumleibat lohnading in numei kizuakna ah akizuakding in apuak cimawk hi.
Tua numeino pen Hotel khatah pasal khatin 3 vei zawhthawh thutawh buangawp a, tuakhit ciangin Karaoke Owner papen RM1000 apiak kamu hi ci’n tua numeino in Police Report abawlna ah genkhia hi.
Tuabang in numeino tawh aomkhawmpa pen tulaitak Police te’n azonsan laitak uh ahihi. Hih bangin numeino kumcinglo aompihna pen “Rape Case” in thu kibawl a, akimuhleh thulian mahmahding cihi.
Related: Malaysia ah pasal khatin apianpih asanggam numei 3 buan ahih manin kiman
Tuaban ah numeino ii anu leh Karaoke Owner tezong anih in Lawas Police Lockup ah kikemcip phot hi. Tua tegel pen Monday ni ciangin Court ah thusitna kineiding a, tuapan in athu ala akician in dotphatna omding cih kiza hi. Tulai thuthang tezong alipkhap huai, thusia lasia vive himawk in, gilsung hoihlo te’n nasimkei maivou maw. Laimal gawm, laigual gualhzia cihte khialhna aomleh hongna maisak unmaw….. Sawltak #zomidaily
Comment piaknop aomleh...