Nupi khatin atanu agawlpan ameklup khitciangin amahzong kikhailum

Nupi khatin atanu agawlpan ameklup khitciangin amahzong kikhailum

Malaysia, Jahor Baru ah nupi khatin atanu kum 10 aphapan khat agawl panin ameklup khitciangin, amahzong amahleh amah ki guiawk cih Bernama pan kiza hi. Thursday nitaklam in thupiang hi a, apapi pen nasepna panin aciah ciangin azi leh atanu asisa in amuhkhiat ahihi.

Johor Baru, Taman Skudai Indah vengsung ah thupiang hi a, apasal in amuhkhiat pen nitaklam 10pm hunpawl ahihi. Aluanghawm pen Sultanah Aminah Hospital ah kipuak in, Postmortem kibawl a, Forensic Doctors te genkhiatna ah aki muhkhiatma nai 3 (7pm) hunpawl in anih in asi hiding ci uhhi.

Athu akikan ciangin hih nupinu in atanu pen amau innsung dawlkhatna “First Floor” ah agawl panin meklum masa hiding cihi. Tuakhit ciangin amahpen Ground Floor aom Gym Room sungah khautawh agawl panin kikhailum hiding hi ci’n thunei te’n genkhia uhhi.

Hihte nupa in ta 3 anei uh hi a, anupi pen atanu neupen tawh innngak in aom uh ahihi. Apa pen nasem akuan hi a, ata adang 2 tepen Shopping Mall ah sangkah nading vankisam tuamtuam in alei uh ahihi.

Shopping Mall apai atate’n nitaklam 7pm hunpawl in anu kiangah Phone asapsap uhhangin kilen vetlo cihi. Tuaciang in innciah uh a, apa tawh aciahhun uh kituak uhhi. Innmai atun uhciangin innkongkhak asunglam panin ki kalhkhum in, Spare Key tawh ahon cianginbek asungah luttheipan uhhi. Innsung ah apata 3 tengun alut uhciangin innsung ah anu uhleh anau uh asisa in amukhia uh ahihi.

Hihbang in atanu in atanu thatlum masa in, amahleh amah aki khailupna thute hoihtak akikan ciangin, anupen anuntak nuamsalo kici hi. Anu un tukum kipatlam in nawi Cancer “Breast Cancer” nei a, tua Cancer pen Stage 4 bang tungta ahih manin, anawi alangnih in ki atkhia cihi.

Ameltheih te genna ah hihte innkuan pen sumlepaai neihlelam kicingtak in anei uh hi a, sum hamsatna Financial Problem hangin aki thatlum hiloding hi. Breast Cancer aneihkhit ciangin alungkhamlua in, thuakzolo, nuntak nuamsa nawnlo ahih manin, amahleh amah aki guiawk hiding hi ci’n genkhia uhhi.

More: Sangnaupang numei kum 16 aphakhin khat amahleh amah ki khailum

Atanu pen Cancer nei, natna nei hihtuak zenzenlo hi. Amah aki thahlup nopleh ki khailumlel henla, atanu thatlum sese dahleh cihnop huai mahmah hi. (Sumhau khempeuh alungnuam uh hilo a, azawng khempeuhzong alungkhamden hituan zenzenlo hi. Sum ihhauloh hangin ihlung nuampeuhleh leitung nuntak anuam hilel hi) Sawltak #zomidaily