Nupila te’ thuneihna (Power) vangil ~ Lengtong Pauno

Nupila te’ thuneihna (Power) vangil ~ Lengtong Pauno

(True story) Kawlpi (Kalaymyo) ka omlai in, veengkhat, innkhat ah, tano nih aneipan akhangnolai nupate teeng uhi. Alawmpa’n, ankamlim’na, ihmutlimna (စားေကာင္း၊ အိပ္ေကာင္း) cihte viikthei zel ahihmanin, tuapen, azi in deihhetlo a, akhaam (control) theih nading lampi zongden hihtuak hi.

A lawmpa’n zong, azi theihlohkala, aveengte’ innah, paikhiasim zelin hai khatta viiksim zel hihtuak hi.

Nikhat nitaklamkhat, innmai lamah kawlnupi mehgah mehteh zuakkhat hong awng zenzen hi. Innteeknu zong, innmai lampi a, meh kizuak valei dingin pusuak hi.

Innteekpa zong, azi’ pusuahpen, hunhoihngah kisa in, veengte’ inna apaiding, phaitamlam daivangah lut khekhe hi.

Azi in zong, apasal atuacihding ummawhkholkhin ahihmanin, amehleidingteng lei’meengmeengin hong ciah leh, phaitamlam daivanga alawmpa alutphei galmuhlian hi.

Nitum khuamialdek hun hita ahihmanin, azi in zong apasal kiangah: ”Heih heih heih, nang na vaksim maw? Zanciang’ na duhngap ding leh, hong kileh kik” acihlian leh, alawmpa’n zong ngolhzawh ngaplo hiding hiven, hong kilehkik ci hi.

Innteeknu ka innvuah hong hawhni khata, ciamnuiha agen, True story ahi takpi thu kazak ahi hi.

Ka lungdam,
Munkhai’pa

Video: Lengtong Pauno hunzatna: “LAM ETNA” hong neisak hi

https://www.youtube.com/watch?v=sfumqoVdgQE

Innnupi mawhpuak apua zolo innnupi

Tulaitakin ka kiimlepaam ah innnupi hinapi in, innnupi mawhpuak apuazohetlo innnupi pawlkhat kamu hi.

Pasalnokhat ahi keipen, kanu in hong sihsanbaih ahihmanin mun tuamtuamah numei nasep (innsung nasep) kasem kawikawi hi. Ka neulai thute ngaihsunkhaleng, ka khitui luangthei hi.

Tulian laitakin kaneulaithu kangaihsun kik a, kei’tungah, Topa’ hoihna katel semsem hi.

Katate’ adingin, pa dinmunh leh nu dinmunh apuakhawm kahi hi. Innpapi kahi a, innnupi zong kahi hi.

More: Siatvat zu a ciam pak Zomite ~ Lengtong Pauno

Kum 50 kaval’ khitcianga, innnupi asemkha dingpa kahihlampen, Topa in natheikholkhin ahihmanin, kum 10 kaphak khitphet a innnupi pilna hong sinsak ahihlam katel hi. Topa hoihhi, kei’ tungah… Halelujah!

Innnupi mawhpuak apuazo innpapi khat kahi hi.
Ka lungdam,
Munkhai’pa