2000 Kum in Malaysia gam ah sum le paai zongding in katung a, Lampaina zong lohkhin zonaailo in Immigration ten Overstate tawh ongman in Thaigam ongpuakkik uhhi. 2001 kumciang Agent Laai Chin Bo (Zotung) kiang Malaysia katung kik hi. Minam kibanglo ahihman in leh keilah Katungteng ah cithak dim ahihman in zato konglak theikeiding passport nanei kei nasih leh Ninbung ah azanzan in kongpaaiding ongci in Ekbuk sung ah Kuang kei ading khat koih in tua ah mikhat ann ongpia sak hi. Kha 1 sungding ka omkhitciang Tanau ten Rm 1,650-tawh ongtan in Kapianna Kapu Innlum ah khakhat sung zatuitawh kibawl in ka omhi. Hih hunsung in kalungtang sung ah Zomi ten Malaysia ah kipawlna kician leh Makaai kician kisam hi cih ongkilo lian hi.
Innluah Nu le Pa vaak kahihman in kum 4 sung Chinese te naseem in sum le paai thalawh in ka-om kawm in 2003 kum UNHCR ten hamsatna neite gamdang ah puaknuam cihthu zakha kahihman in UNHCR zum pai in Khamtung a gaalkaap ten ak khawng anntang khawng ongdonsak leh Biak Inn sung khawng a agiahte uh kagen mawkmawk hi. Hih Hunsung mah in Kei le kei Makaai ding inlah kimuangzolo kahihman in Zomi mipil omsunsun te delh kawikawi in Khatvei bang Subang acihna ah zanhak in kheem kathuak liang hi. Kipawlna om peuhpeuh bangseptheiding om ci in ahithei bang angtan pih mahmah kadelh pah velvel hi. Ciimnuai kipawlna ong om ahihman in Puanzuak, Pawlmi zon cihte ah ma kapang zelzel hi.
2005 June kha in Daw Aung San Suu Kyi kum (60) acinna phawkna Innkalh pan asuahtaak theihna ding ngen ni ci in ZNC-LA makaai Pu Langh Suan Cin@Cinpi in ongzawn ahihman in pawlluut leh nasep thuahpah in Gilbeem sungdong ah kapai suak uhhi. Overstate te kikoihna Camp sung 2006 kumkipat lam in katung uha, Camp sung Kumpi zalian te bangmi nahiam ongci uha, Zomi kacih leh Zomi gaalkaap Bu Khamul sau mahmah khatzong hiah om in no onghuhtheiding hi ongci uhhi. Camp sung ahihman in kigil kial sim ahitam Kawlte tawh Captain (Thongbu) kituhpah lian in ka kivaat pah ziahziah uhhi. Captain lah ngah Ann hawmpawl lah kangah uh ciang apualam kipusuak theizawdeuh ahihman apualam kapai hialhial le hatha gol lualo asamsau , akhamul sau khat ongpaito kamu uha, Lawmte Pu Zo Khai acih hiapa hi ei ongci uhhi.
Pu Zo Khai peen 1996-1999 India gam ka omsung in amin kazaza a akigen daan leh kei upmawh thu in thalianding thaupian ding in kangaihsun tawntung hi. Amah taktak kamuhciang ka umkeiphial a ahizong in namaan ahihman in ka ki welcome uhhi. Asawtlo in Camp pan amah UNHCR ten lakhia vingveng uhhi. Kei zong sawtkhop khat Camp ah omta kahihman Thai ah tuaksuk vingveng in Malaysia kakah kik hi.
Kualalumpur , Malaysia katunkik ciang Thaipan kakah kikna sum ba kahihman in na kaseempah tingteng a, ka off day ciang Pu Hau Kim, Pu Zo Khai, Pu CInpi ten nalian khat seemzo ding minam ongmakaihding kipawlna kician khat ongnei zo khading cihthu lam en kahihman in hawhden giakden in minam itna thute kadongdong kakumkum mai hi. Ahizong in amau Khalkha lam ACR zum lam ah paihalhhlah pian uh ahihman kalungsim tawng ah kanuam meelkei hi. Kanung theihciang lawmte ACR sungthu akan nahizaw in kinaak pawlsawmlolua na hi zaw hi.
Nitaakkhat phone ongpai a Pu Cinpi in USA pan Pu Thang Khen Pau ongpai in nitaakciang Zosai ah thukikupna omding ongpai hamtang in ci in ongsam hi. Nasep off ngahlo kahihman kapai theikei a Meeting amanciang Pu Zo Khai, Pu Cin Pi te phone athu ala dong amau ZAM kiptak akiphuhna leh Makaai teng ongtheih sak uhciang kalungdam lua mahmah in kakidik thuhthuh hi. Tua nipan kasep theih bang ah makongpangding ci in kamciam piapah kahihman in Puchong veeng hausa ding in ongseh uha, genkawikawi, meber zong kawikawi in ZAM zum ah kapuak hi.
ZAM zumpeen awkhumtawh Zomi Innpi ci in minno kiphuahsawn hi. Zomi Innpi Innpi in neipah in kaalkhat khatvei tungden in ka omlaaitak., nikhat Pu Cin Pi lah leengding hita ahihman in Pu Zo Khai in phone ongset in Khawm Pau aw ongpai inla ZAM ah keitawh minam na seemkhawm ni ann laakding hun mahmah ta a, ann lading mi aomkei ci in ongsam hi. Keizong Pu Zo Khai aw kei kaseptheih bangmah omkei Mangpau zong tam ongpuakeng kacih leh Pu Zo Khai in pilna neih le lam kakisam kei a Veina kakisam hi. Minam navei leh na seemthei hita nahihman in ongkithawi in ongci hi. Kanasepna ah lah Chinese laaitawh Order gelhthei kahihman atawmpeen khasum Rm1,200 nusiatding hamsa sakawmkawm in kapai hi. Zan thapaai Pu Zo Khai tawh thu kakikup uhleh Inn luah Upeen kahihna ongthei ahih man in Khawm Pau aw kongcita zong in nang ZAM ah na ongseem lecin khasum omloding a na Nu na Pa te avaakding kuamah omloding ahihman na vaseemkik phot in ongci ahihman kileh na kaseem kik hi.
Khakhat khitciang Pu Zo Khai in onghopih kik in Khawm Pau aw bangbang apiangzong in nongpai keileh kabuai lua mahmah hi. Kizo tak in khensat inla ongpai in ann ingawlkeiding hi ongcihciang 2006 kum laaizangpawl in kapuanlom zial in ZAM zum ah kakituah ta hi. Zum naseem ding nuamlel ding kasak leh ZAM peen lawhcing luanaailo ahihman in zantha paai phone tawh Zomi temah in ongphin thapaai in ihmut tanang in kaomden uhhi.
ZAM zum ah akisapna bangbang leh Makaai te ongsawl bangbang in hangsan tak leh khamuang tak in nakasem tawntung hi. ZAM kasep na hang in kama akikhaalcip UN vaai te akipan Zi leh ta neihna cihte tampi tak ongkihongto a, Tuabek hilo Laaisiantho sung ah Note milian tetawh ongkikhawlsak in milian in kongbawlding cih mahbangin Milian mipil tampi taktawh ongkikhawl sak ban ah pilna, thutheihna tampi tak ka ngah hi.
ZAM zumpan minam nasep sung mah in khual izin ciang lamsuk lamto aom mahbang in anopna tampi oma, hamsatna tampi zong kituak kha zeel hi. 2007 Nov kha in Laaizom Zomi temah I thusiam natawh kazi naupaai kha 3pha pan leh ZAM palaai teng 
ongkiman in Camp ah tawmvei ka om uhhi. Pasian in Minam ading naseemte ong angvan ahihman in kazitawh minih ai Thailand pan Malaysia paikik man RM3,600 peen ongsiknuam kituh ziahzaih mai hi. 2008 kum Oct kha pawl mah in Penang tuikulh ah Zomi te vaanding in Pu Papau tawh pai in ZCF Biak inn sung ah ka omzihziah laaitak un Palik te katuan nading uh mawtaw tawh akigingsa in ongpai in Police station ah nai 5 sung ongkhumcip uhhi. Hamsatna tampi te kaantan in 2008 Dec 13 ni in USA gam cidam in katung thei hi.
ZAM ah kiphaltak in na kasepna hang in guaksuak hetlo in ZAM pan Zi Pasian in ongpia a suan le khaak ongnei sak hi. ZAM ah kasepna hang in leitung beidong amangngei nawnlo ding Minam naseempa cih min kangah hi. Mipi 90% in ZAM nasemluui te peen adang kipawlna te sang minam naseem ci in kipsak zaw uhhi. Malaysia laaikhawng a ZAM langpan in Chin kici a kawitaaitaai te in USA khawng pan ZAM thupiitna leh anaseem te kipiakkhiat zia nungtel saan uhhi. ZAM nakasep nahaang in computer kameek thei a, Mikaangpau kapau thei hi. Kum tampi sung akikhaakcip ka UN vaai kheempeuh olno tak in kagualzo hi. Abu amang miming thang mipil tampi taktawh kaki meeltheih kha hi.
ZOMI ASSOCIATION OF MALAYSIA (ZAM) pan USA gam kapaizawh tun kum 5 ongcingta a USA gamsung ah zong ka om na tualsung ah ZAM bangmah in Zomi ading natampi tak kaseemkha a, Tuabek hilo tun kum 5 cingta kahihman in Zomi American Man (ZAM) mah tungkik kahihman in hih Leenlaai Zomi Association Of Malaysia (ZAM) pan Zomi American Man (ZAM) thu kongsuut kawm in ZAM peen Pasian in Zomi nasepnading leh Recycle ding ongphuh kipawlna ahihban ah hih Zum ah naseem khate mihampha ahih ban ah Recycle tawntung ding teektaleeng zong minam ading akizang veveding mite hi cihtawh thukhup ni.
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
[email protected], [email protected]
www.perdue.com , www.zomipau.wordpress.com
Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
Comment piaknop aomleh...