914 Zomi Soccer Team

914 Zomi Soccer Team

Zomi ulehnau,

Singapore Zomi Innkuan pan Makaipi Dr Hau Za Chin, Makaipi huh Pa Dal Do Langh, Thuvanpi Pa Khup Khawm Mung, Kimalna Makai Thangthang, Andrew Khual, Pau Khua Mung, te makaih in, ZIS, 914-ZOMI Soccer Teamte Malaysia, KL ah kuankhia uhhi.

Malaysia ah ZOMI CUP honna pawipi ah Malaysia, 914-ZOMI Soccer teamte tawh kimawl ding uh aa, tua mun ah mai ongtungding Kawlgam Census ah ZOMI kicih kimciat nading telgenna va nei ding uhhi.

GZA Makaipite ong taangko khiatna dungzui in ong tungding census ah ZOMI -914 kicihding kalsuanna, mipi tung taangkona akipanpanta ahihi.

Tuamahbang in Kawlgam Zolei tang ah zong ZCD GS Pu Gin Kam Lian makai in mipi tung taangkona kipanta uhhi.

Hih Malaysia ZOMI Cup bawlung kidemna ah tukum team 46 peuhmah kihel dingcih kiza hi.

Pawihonna ah GZA Secretaryhuh Rev. Dr. Go Cin Zam zong kihel theiding cih lam-etna omhi.

Zomi Innkuan(Singapore) leh Malaysia Zomite in GZA Makaipite vaikhaakna dungzui in, 2014 “Zomi Namni” or Zo Minam Ni” zong KL khuapi ah nopci tak in bawlkhop ding gelna om aa, Thugenpi ding in Lamka pan Dr Cin Khan Lun Guite hidinghi. Dr Cin Khan Lun pen tulaitak in Singapore Kumpi sapna tawh, National University of Singapore ah Post Doctoral research abawl laitak ahihi. Tuamun ah GZAakaipi sung panzong khat peuhmah ong kihelzo ding lametna kineihi.

—
Hang Khan Lian
Block 646#13-115
Jalan Tenaga
Singapore 410646