Thakhin Thein Phee tapa Ko Bunny tawh hunnuam
Tunitak Thakhin Thein Phee tapa Ko Bunny tawh nitak hunnuam ngahkhawm ung. Thakhin Thein Phee pen Kawlgam suahtakna hanciam hunlai-in (Pre-independent movement) amapang mahmah pawl hi.
Takhin Thein Phee in atapa leh i MP Pu Kamlian kiangah agen zel thukhat hong hopsawnkhat uh Gen. Aung San te Rangoon University ah asangkahlai vua sangkhak hun teh Aung San leh apawlte Yangon down town munkhat ah Thakhin Thein Phee’kiangah ava hawh uh teh aman (TKT) in an na neekpih, niangtui na dawnpih zeel ahih manin, nuam mahmah uh hi,ci-in Thakhin Thein Phee in nui khauhkhauh kawmin ong gen thei zel hi, ci-in Ko Bunny in hong genkik hi.
Tua hunlai-in, Thakhin Thein Phee te pen acithei mahmah innkuan ahih ban ah tuni dong mah khang kizomin anopsa lam pawl uh ahihna tawh tua hunin Rangoon University sang naupang Aung San te pawl khuata pan Rangoon ah pilna sinin hong pai uh ahih manin, Thakhin Thein Phee tawh akithuahkhak uh teh tai kisa mahmah dan uhhi.
Amau’hun lai Rangoon downtown atamzaw munthupi teng ah Hindi leh Mangpau kilimzat zawlai ci uhhi.(Nuntak khuasakna leh mapanna khat pepeuh ah lungkiat loh ding Gen. Aung San tung pan sinna)
Tua ban ah gamsung haksak hunlai-in (1964-2010-adiakin 1990 gambup kiteel khit pan 2010 ciang) Thakhin Thein Phee pen gamvai sepna leh gamvai semte’thudotpi khat hihna tawh galkap kumpi thukante’thusitna leh vauna tuak zelin, tua bang hun teh aman adawnkik giapgiapna ah “na ut uh leh hong man unla thongah hong khum ve vua!
Ko Kawlgam suahtakna alakhiate mat-le-hen ban ah thontang nang na vaihawm mawk uh no hih thuneihna leh panmun na ngah nang vua ko suahtakna ana la hi ve ung! na ki awi naak vua leh kingah lua e!” na ci geihgeih lel hi, ci-in atapa Ko Bunny in hong genkik teh tha ka ngah mahmah hi.
More: Veto Power Leitawina thu ~ Bob Tuangpi
Tua ban ah tulaitak kumpi in abawl zel gambup kilemna khawmpi (21st Century Panglong) hong piankhiat nang 2010 Kalaymyo Pu Chin Sian Thang’ Innpi pan Zomi National Congress kum (22) cin muakna leh mailam gamvai kalsuanzia ding kitangkokhia thukimna teng mah tu-aa igengen Thakhin Thein Phee omna Yangon a inn ah Aung San Suu Kyi ki-ap lai zong amau innkuan thusiamna tampi kihel ahihi.
Bangbang hita leh tunitak gamvai ah khangthakte’ theihhuai thuthak leh thu manpha tampi zakha ka hih man kei mimalin hampha kisa ing. Bob Tuangpi
Comment piaknop aomleh...