Tedim leh Tonzang antang man

Tedim leh Tonzang antang man

Lawibual a sumbukpi khat in a antang neihte uh pusuah khia ta uh hi. Tul sawm nga ciang sa man uh a tua na ngawn haksa sak uh hi. Sakollam lam bel sel cip lai uh hiam athu kiza nai lo hi.

Tedim khuapi ah India pan a hong tung antangte pen ip khat Ks. 31000 tawh sumbawl thukhualte in hong zuak ziahziah uh a, ZYA in zong Ks. 28000/- tawh seh hawm/ciangtan nei-in zuak uh hi. Sum met bawlna a akizang hi lo a, antang man a san luat loh nadingin a kisem hi, ci hi.

Sumbuk pawlkhatte in zong tu-in Kawlpi pan antang tung lo napi zuak ding nei ta uh ahi hi. Kisiat kul se lo a antang man hong kiamsak Topa tungah lungdam mahmah hang.

Tonzang ah zong ni tampi sung antang lei ding a om lo pen ZYA te hanciamna mah tawh tu-in Ks. 36000/- tawh Town Hall nuai ah lei ding om ta hi, cih kiza hi.

Cikha lam pen Lamka pan na lut ziahziah ahih manin Tuikhiang ah ip khat Ks. 25000/- tawh kilei thei hi.
Src: Tedim Post