Kumcingnailo Driver numei khatin piteek khat taihlum

Kumcingnailo Driver numei khatin piteek khat taihlum

Malaysia, Alor Setar ah kumcingnailopi in mawtaw ahawl khatin nupi kum 65 aphakhinkhat taihlum cih theStar pan kiza hi. Tua nupi kum 65 aphakhin pen Motorcycle atuang hi a, lamzingneu khatpan in hongpusuak in lamzikpi kantanding apai laitak in mawtaw tawh kiphukha ci’n Padang Terap District Police Chief khatin genkhia hi.

Kumcingnailo Driver acihpen numeino kum 16 bek aphapan khat hi a, ahunlap in Brake sikmanlo ahih manin, Motorcycle atuang piteeknu pen taihpha in aphualmah ah sipah cihi.

Piteeknu aphutkhak khitciangin amawtaw lenkip zolo, Control theilo ahih manin taisuak in guamsung khatah kiasuk in khawlpan hi.

Kuala Nerang, SK Pedu geiah zanni nitaklam 5pm hunpawl in thupiang hi a, taihlup athuak piteeknu pen amin Lijah Mat Hashim kici hi.

Police Chief ii genkhiatna ah Driver nupen kum 16 bek aphapan khat hi a, Driving Licence zong neinailo cihi. Mawtaw sungah adang numeino kum 16 aphapan khattawh atuangkhawm uh hi a, tua numeinu zong tawmkhat liam cih kiza hi.

Motorcycle tawh atuang piteeknu pen mawtaw in aphuakkhak ciangin Meter 21 sungbang talkaih khagawp cihi.

More: Malaysian Chemical Engineer numei khat mawtaw Accident in si

Fire and Rescue Department Spokesman khat ii genkhiatna ah hih Accident vaipen nitaklam 5.15pm hunpawl in hongki zasak ci a, kidelhpah in aphual ah 5:30pm hunin katungthei uh ci’n genkhia hi. ZD Sawltak #zomidaily