Thai gamsung ah naseptheih nading Register abawlmanlo Myanmar tampi om

Thai gamsung ah naseptheih nading Register abawlmanlo Myanmar tampi om

Thai gamsung aom Myanmar gammi tezong kumpi thunei te’n agamsung ah Legal takin na asepsuaktheih nadingin Document akisamteng bawlsak uhhi. Ahi zongin tua Legal Document bawltheihhun pen nung Saturday niciangbek hi a, Saturday Deadline alaplo Myanmar gammi Migrant Workers akigawm in mi 100,000 bang phading cih MMTimes pan kiza hi.

Bangkok khuapisung aom Myanmar Embassy panin Labour Attaché asem ahi U San Maung Oo in agenkhiatna ah Myanmar gammi te naseptheih nadingin Legal Document bawltheihhun Deadline pen Thai kumpi in khintolo khading hi ci’n genkhia hi.

Legal Document abawlmanlo, Saturday Deadline alaplo Myanmar gammi 100,000 bang omding ci a, tuatepen Thai gamsung panin aciahkhiatkei uhleh kumpi thunei te’n Legal Action thubawlding cih dinmun ahihi.

U San Maung Oo in agenna ah Thailand kumpi thunei te tungah hehpihna Leniency ki ngetsak a, Register abawlnailo te abawltheih nadingin ki thuumsak hi. Ahi zongin Thai kumpi in Register bawlhunding Chances tamveipi apiaksa ahih manin, Deadline pen khintolo khading uhhi ci’n genkhia hi.

Nung Tuesday ni in Thai Government in apulakkhiatna ah tuciangciang Myanmar, Laos, Cambodia gamte panin Register abawlsa mi 1.4 Million phakhinta cihi. Tuate pen Migrant Workers vive hi uh a, Thai gamsung ah nasepsuaktheih nadingin kumpi tungah naseptheihna “Temporary Work Permits” abawl, Register abawl uh ahihi.

Thai kumpi in agamsung aom Foreign Workers khempeuh kumpi tawh Register abawlkeileh agamsung ah omkhuan omnawnlo a, akimuh hunhun in kiman in ki ciahsakding cihi.

Tuaban ah Register abawllo gamdangmi nasemte akimat ciangin mikhat ciangin 50,000 baht (US$1600) ki liausakding cisawnsawn hi. Nasep apia Employer tezong liausum 100,000 baht ki piasakding hi ci’n Thai Government te’n Media te tungah genkhia uhhi.

More: Thai, Nonthaburi ah mawtaw tuahsia, Myanmar gammi 3 si, adang mi 6 liam

Thai gamsung ah Myanmar gammi bekbek nasem in aom akigawm in 4 Million bang phading in ki ummawh hi. Nungkumsung inzong Thai kumpi in Labour Law aphuahphat khitciangin phalna neilo illegal workers te sum tampipi liausak uh ahih manin, Myanmar gammi tampitak ciahkhiakhin uhhi. Sawltak #zomidaiy