ZIOK: Zongeina Khuado Pawi 2016 vaiding Thu Taangkona

ZIOK: Zongeina Khuado Pawi 2016 vaiding Thu Taangkona

Dear it leh ngaih ZIOK kipawlna pawlhuam sunga om Zomi khempeuh aw; Zomi Innkuan Oklahoma kipawlna mintawh ong hopih ungh. A kua mapeuh cidamin i nasepna mabanciat azom theikimdingin ong deihbawl ungh. Zomi Innkuan Oklahoma kipawlna sunga makai teng inzong sepdinga a kisam i kipawlna mabante nuamtak lawhcingtakin nazomtoto thei ungh.

Tutung kong taangko ding uh ahihleh ong tungding October 08, 2016 niciangin kumsima ineih i Zongeina Khuado pawi nopcitakin kibawl tading hi. Tua hunsungah 2014-2016 sunga ZIOK ong makaih Board member te a term uh ong beita ahihmanin 2016-2018 kikal sunga ZIOK Board of Directors ah amapangding makaithak kiteelna hunzong kinei ding hi. Tua ahihmanin i kipawlna ong makaih ding makaithak kitelna ah makai hoih, makai picing i neihzawh nadingin a kuamapeuh ongpai in Vote nongkhiattek nadingun kong hanthawn uhhi. Vote piakna zong minam nasepna lianpi khat ahihi.

Hih Pawi hunsungah Zinmangpi (Chief Guest) ongsem dingin India gam, Lamka khuapi sunga sang hoihpi khat ahi Blue Star Acedamy sangpi mimala a nei Zomi mipil misiam tampi a khansuah khin leh Zomite adinga English to Zomi Tongdot laibu (Dictionary) hoihpen ong bawlsak Dr. Dal Lian Haokip, Ph.D. in hanthotna hun ongzang ding hi. Azomah Zinzahtak (Guest of Honor) dingin Zomi leh Zogam a it mahmah, a hihtheihzaha gam leh minam adinga ma apangden Rev. Thang Van Lian, General Secretary, ZYA Tedim, Editor, Tedim Post inzong hanthotna hun ongnei ding hi.

Event information

• Amun : ORU – Christ’s Chapel
• 7777 S Lewis Ave
• Tulsa, OK 74171
• Ani : October 08, 2016 (Saturday)
• Ahun : 6:00 PM to 10:00 PM
• Itna leh zahtakna lianpi tawh,
• Pa Tual Sawm Lian
• Chairman/ZIOK
• September 24, 2016

Tuabanah Zongeina lam hoih nono lahna, gamngaihna lasakna cihte Tulsa khuapi sunga om Zomi lasiamten ong zai ziahziah ding uhhi. Hih Khuado vaitawh kisai a kicingzaw (Details) a Thu Taangkona zong a sawtlo in Video tawh kongbawl laiding uhhi. Tua ahihmanin hih i Zongeina Khuado sungah ong uap dingin tulaitaka na naseppih namdangte sungah ulian, makai, nalawm nagual ciat uh nongzot, nong paipihtek nadingunzong kongcialnuam phapha uhhi. Khuado bawlnading hungelna tawh kisai a nuaiabang hiding hi. Lungdam mahmah ei.