Master of Theology ngahthak Rev Thomas Tun Sian Mung
Lei tung ah ten na ding a hoih penpen khuapi a hi Australia Gam , Melbourne Khua ah a teeng Rev Thomas Tun Sian Mung in Pasian thupha piak na tawh 24 March Kha 2017 ni in, University of Divinity Sang pi pan, Master of Theology ( MTh) tawh gual zawh na hong ngah liklek a hih man in, ii lung damh pih mahmah hi.
A mah Siapa pen a pian na Tedim gam Gawngmual khua pan hi in, A Pa pen Gawngmual khua mi hi aa, a Nu pen a hih leh Thuk Lai khua mi a hihi. Australia gam a tun zawh kum 16 kiim bang pha ta in, Australia gam sung Zomi Pastor te lak pan Degree sang pen pen a ngah masa zong a hi hi.
Australia a tun aa ki pan Australia Chin Baptist Church ah Pastor sem in, Tulai tak a hih leh Zomi Baptist Church leh Mebourne Siyin Burmese Mission Church ah Pastor a sep lai tak a hihi. Siapa pen Melbourne a tun aa ki pan Refugee tawh hong pem Zomi te a hi zong , Kawl gam mi te a hi zong , a ma hih theih na tawh huh na a piak na te hang in zong Australia kum pi te tung pan in, Pah tawi na tampi a ngah mi, khat zong a hihi.
A inn kuan pih nu pen Khalkha mi hi in, Ta Nu 2 leh Ta Pa 1 nei in Topa leng ngah huan ah a ki piak khiat na tawh ki zui in Topa Pasian in thupha tawh hong thuk kik sak a hihi.
Thupuak
Lamhkim Samte
Melbourne
Comment piaknop aomleh...