Koppih zon’hun ~ Lengtong Pauno

Koppih zon’hun ~ Lengtong Pauno

Cidamna leh taletu adingin pasal 25 kum pan, numei 20 kum pan ngaihsut kipat hunsa ing. Paa 30 kum, nuu 25 kum aphak khitnak leh, Discount kipat hut mahmahsa ing.

Paa 45 kum, nuu 40 kum khit khawngteh talenau tawh abuai nawnlo nupate hampha mahmah sa ing.

Maban laklawhnei ihih kholkei a, neih asawm veve ihih nakleh, ahun teelsiam huaisa ing.

Warning: Ki Discount dinghun athei theilo te ki Delete thei khading ci ei 🙂

By experience, Munkhai’pa

NUU LEENG, PAA LEENG THEIHHUAI THU

Pasal kum 25 aphakma a zinei atamzawtepen, nuntak kikhual nameelding theilo, neilo, nawimeekding leh ki-awngholhdingbek thei, kum 35 a aneih naikei leuleu lelah, asia apha ding theilualiang… laucip kihta manggawp neingamlo tektek… tangval teekk suak.

Numei kum 18-20 ma a pasalneite avekpi phialin haicihtak leh mawlzatam aa Zee. Picing vetlo uh, ateek aguai dongmah tuaci suak.

Kum 25 khita pasalneite leuleu, kipilsak, thu kitheisak, thu neinuam, apasal nangawn uknuam, (Nu Sainaa leh Daw Sailaa) aa piang. Kep hak, cin’ hak, kihilhtheih nawnlo, ama thubek thusa… kuamah tawh athu kituak nawnlo hi. Alading aneiding te’n hihthu telhuai mahmah hi.

Ka lungdam, Munkhai’pa

INNKUAN (Nulepa, sanggam, ziletate) (…tulaitak a kasinlai hongluah thu hi)

Gamkhat, minamkhat, kipawlnakhat, biakna pawlpikhat ahoih akhan’toh nading, akipatna abulpi, athupi masapenin INNKUAN ahi hi.

Billy Graham adamlai a akampau ka galmuh khatin: “Ka nuntakhunte apatnapan lakikthei ding hileng, kahun atamtheipenpen ka innkuan tawh zang ning” ci hi, cihngeungeu khat zangei ing.

PASIAN inzong, INNKUAN naphut masapen hi. INNKUAN tawh malo bang apan Tung SIANMANG ahi hi.

Ka lungdam, Munkhai’pa

KA LUNGSIM KA KHEEM LEH UM MAHMAH

Tuahunlai a Tedim – Tonzang motor (Jeep)sap pen Ks. 80/- tak ahihcianga, ka lungsim ka hopih a, “Motor tuang dahni e. Khetawh pai lel ni. Ks.80/- thalawh hipahding hive hang” ci in zingsang lol mahmahin khe tawh kapai ngeekngeek hi.

Gim mahmah tawl mahmahin Tonzang ka tung hi. Ks.80/- thalawh ka cihpong hang, kuamah’n lah Ks.80/- hongpia tuan peuhmahlo mawk, ana himai 🙂

KA NGAIHSUT SUTKHAT (Hong imkhia ning maw)

Zan 12am pan ziingsang kipanta a, akmasa khuang, ak2na,ak3na khuang, phalvak-khuavak,

zingsang nai 6am, nai 7am, nisuak, nai 8am, vaikuanhun, nai 9,10am, vai haamsang, 11am – 12pm, nisun…iliim akpicia pha, sun an kine hi.

12pm pan nitak kipanta a, (Mizo te’n Nitlak ci)

nai 5,6pm, vaiciahhun, nai 7pm, nitum, ni mualah kiata, nitak beita, muikhua ziingding lengthe khuangta hi.

Ni mualah akiatkhitteh, nitakhun beita a zanhun akipanta ahi hi.

Zannai 8pm ah hun kipan ding,..etc…,nai 12am khit ah zanhun beileuleuta… ziinghun kipan leuleuta ci in zangthei lehang cih ka lunggulh sawtpi hita hi.

Zan nai 10pm a inek an nangawn, nitak an icihlai liangzong hi, sanawn samkeng. Sanggam Mizo te’n zong Zan an(zanriah chaw) mah cingiat uhi.

ZINGSANG, NITAK, ZAN cih khen3. nei leeng ut mahmah ing.

Ka lungsunga kapuakpuak, hong suahkhia hi’ng.

Ka lungdam, Munkhai’pa

NITAK – MORNING DEVOTION

Nitak nai 8pm a innkhat ka vavak leh, thu nangen ngeiingaii uhe. “No’ nitakhun abawlden maw?”… kacih leh, “Ko’ nitaksiala, morning devotion aneiden hi ung” hongci in, thupisa peuhmah ing. Munkhai’ pa