Malaysia, Klang Valley sungah buaina abawlsawm IS migilo 2 kiman

Malaysia, Klang Valley sungah buaina abawlsawm IS migilo 2 kiman

Malaysia gamsung ah gitloh ngongtatna “terrorism activities” abawlsawm pasal 2 kiman cih theStar pan kiza hi. Tua akiman mi 2 te lakah khatpapen biaknasia, Private School khatah Religious Teacher asem laitak ahihi.

Tua akiman mi 2 tepen Malaysia gamsung aom Entertainment Outlets tuamtuam leh Bukti Aman aom Federal Police Headquarters ah siatna abawlsawm, ageelgeel laitak un akiman uh ahihi.

Hihvai tawh kisai in palik thuneipipa ahi Inspector-General of Police Tan Sri Mohamad Fuzi Harun in agenna ah kum 25 aphakhin biaknasia Religious Teacher akicipa pen abeisa December khasung in Petaling Jaya sungah akiman hi a, adang kum 23 aphakhin Construction Worker asempa pen nung Wednesday ni in akiman hi ci’n Statement ah genkhia hi.

Hih akiman mi 2 tepen Islamic State (IS) tetawh akizom uh ci a, Federal police Special Branch’s Counter-Terrorism Division te’n Operation atuamtuak in nihvei bawlin amatkhiat uh ahihi.

Malaysia, Klang Valley kuamsung aom Entertainment Outlets tuamtuam ah buaina piangsakding in akilimthawi mahmah uh hi a, tuabek thamlo Kuala Lumpur kuamsung aom Muslim ahilo biakna dangdangte matcipding, thahding ahanciam mahmah uh cimawk hi.

Tua biakna siapa in Facebook tungtawn inzong IS te ii gamtatna te ahoihtheithei in genkhia in, IS galkap tumding akaikhawm khatzong ahihi.

Indonesian Worker papen ahihleh Bukit Aman leh Travers Police Station te ah buaina piangsak in, Attack abawlkhit ciangin hiamvan, galvan “firearms” te gukhiading cih ngimna aneikhat cihi. Tuabek thamlo adang Police Station tuamtuam leh Army Camps te paninzong thauvui thautang te gukhia in, Malaysia leh Indonesia gamsung ah mipite buaina apiangsaksawm ahihi.

More: Mandalay ah apuakkham omin mi 1 liam, Motorcycle khat sia

Tuapa pen nungkum November khasung inzong Jalan Pudu sungteng ah temta khattawh vakkawikawi kici hi. Myanmar kumpi in Rohingya te abawlsiatvai tawh kisai in lungkimlo ahih manin, Myanmar Buddhist khat temta tawh adawtlup sawmngei kici hi. Ahi zongin palik te’n ahunlap in thei uh a, atemta matsak uhhi. Sawltak #zomidaily