Malaysia, Kota Damansara suangmanpha zuakna ah damiah lutin RM1.1 Million manneiding puakhia

Malaysia, Kota Damansara suangmanpha zuakna ah damiah lutin RM1.1 Million manneiding puakhia

Malaysia, Kota Damansara vengsung aom Hypermarket khat ii suangmanpha “Jewellery” zuakna sai khatah damiah lutin RM1.1 Million manneiding puakhia in taivingveng cih theStar leh NST pan kzia hi.

Thursday (November 02) zingsanglam 10:30am hunpawl in Kota Damansara Giant sung aom Goldsmith Shop khatah guta damiah mi 2 alut uh ahihi. Tua damiah 2 tepen anih un amai uh Mask tawh tuamcip uh a, temta namsau tawikawm in suangmanpha zuakna ah alut uh ahihi.

Jewellery Shop pen zingsang aki hongcil hi a, damiah te khatin Security Guard asempa ii ahiamtawi suhsak cihi. Adang khatpa in Jewellery Shop sung aom suangmanpha akikoihna Tray akigawm in 7 sungpan in suangmanpha teng ipsung khatah guangsuk mengmeng hi ci’n Petaling Jaya OCPD Asst Comm Mohd Zani Che Din in genkhia hi.

Tuakhit ciangin tua damiah migilo 2 te Jewellery Shop panin amanlang in pusuakkhia uh a, mawtaw akang khattawh taimang vingveng uhhi. Hih agamtat hunsungpen Minute 5 sungzong sawtloding cihi.

Security Guard ii ahiamtawi zong Hypermarket ii apualam ah Police te’n mukhiakik uhhi.

Police te’n athu agenkhiatna ah zingsang 10:51am hunpawl in hih buainavai hongki zasak ci uhhi. Zingsang in hih Jewellery Shop pen nasem mi 4 te’n ahongding in aki thawithawi uh ahihi. Tualaitak in Security Guard tezong agei ah om uh cihi.

Related: Myanmar, Myeik khuasung aom KBZ Bank ah thautawh damiah kitaih

Tualaitak thakhatthu in damiah te khatpa in temta tawh Security Guard khatpa ngimin, athau laksak hi. Tuakal in adang khatpa in suangmanpha teng aluatkhia mengmeng ahihi. Minute 5 sungzong sawtlo in suangmangpha RM1.1 Million tak manneiding tawh taivingveng uhhi. Police te’n CCTV Footage te kaikhawm in, damiah te akansan laitak cih kiza hi. Sawltak #zomidaily