Mandalay ah apuakkham omin mi 1 liam, Motorcycle khat sia
Myanmar, Mandalay Region sungah Thursday ni in pawibawlna pan apuakkham om a, mi 1 liam cih Irrawaddy pan kiza hi. Mandalay, Chanayethazan Township sungah “Nyeint Pwe” pawikhat kibawl in, tua pawibawlna apualam pan apuakkham kici hi.
Hih apuakkham hangin aliampa pen Ko Zaw Hein kici a, kum 28 aphakhin khat ahihi. Akhut aveilam liam ahih manin, Mandalay General Hospital ah kipuakpah hi.
Local Police te genkhiatna ah hih apuakkham pen Thursday nitaklam 9:50pm hunpawl in apuakkham hi a, apuakkham dingin akibawltawm “improvised exploding device” vankhat panin apuakkham hiding in ki ummawh hi. Motorcycle khatzong natsiat mahmah hi.
Tua Motorcycle geinai ahzong Mobile Phone 2 kimu a, tua Phone tepen agamla panin apuakkhamsak Detonator in akizang hiding in ki ummawh cihi.
Friday ni in Mandalay regional government U Myint Tin in Reporters te tungah agenkhiatna ah Police te’n hih buaina tawh kisai in athu hoihtak aki kancian laitak hi a, kua gamtatna cihte genkhiatding pen hunnailo, kician nailo cihi.
Hih apuakkham pen akhauhluapi hilo ahih manin, asia zong tamlualo hi. Ahi zongin hih gamtatna hangin gamsung hong linglawngsak, hong patausak hi ci’n genbeh hi.
Related: Mandalay ah Taxi Driver khat thautawh kikaplum in akikapzia palik te’n kansan
September kha kipat akipan Mandalay Region sungteng ah Government Warning aomkhit ciangin Security aki khanto mahmah ahihi. Police leh khuasung kipawlna Organization, khuasung mipi te kipawlkhawm in khuasung aki encik, aki vilden ahihi. Security Forces te’n khuasung mipi te lungmuanna leh bitna Safety aomnading in ki hanciamding cih kiza hi. Sawltak #zomidaily
Comment piaknop aomleh...