Kipawlkhop theihna ~ Pu Thang Khup

Kipawlkhop theihna ~ Pu Thang Khup

Zomite sung ah kipawlna tampite in nasemkhawm, mapangkhawm thei i hihman in, i kalsuanzia, i mapanzia leh i nasep zawh zah cihte zongh ong hoihsemsem dingin ka lamen hi.

Gtn.
Zomi Innkuan kipawlna pen gam tampi ah om baan ah US gam khat sung bekbek ah zongh tampi om aa tua Zomi Innkuan Kipawlna tengin nasemkhawm in ma hong pan khop uhciang nalian tampi ong semkhia zo uh cih pen mitmuh in kilang khin ta hi.

Zogam leh Zomi tading a sepsa uh tampite minam vai a lunglutte in theikim tek khin ding hihang. Tunai aa Zomi Khawmpi bekbek zongh hun tomno sungin programme tampi tak a geel zawh uh mipi tampitak a kaihkhop zawh limlim uh zongh a vaihawmnate uh thuneulo hi.

Kipawlnate kipawlkhawm thei aa, biakna lam ah pawlpi tampite zongh ong kipawlkhop uhciang thahat mahmah uhhi.

Kipawl cihciang kigawm cihna hilo aa i mipite, i panmunte i khahsuah ding laulo in nasemkhawm mapangkhawm in i kipawl theih semsem leh nalianpi tampi kisem zosemsem ding hi.

Mimal in tang ot, Kipawlna khat kia tangtat ding cih thadah leitung aa gamlianpi a thahat tata na ngawn zongh na kituampawl lai veve uhhi. Tua pen gam khat in kigawm uh cihna hilo in kipawlkhawm uh cih a hihi. Pu Thang Khup

More: A patauh huai ZCD ~ Pu Thang Khup

Lyan K Pau: Hih banga kipawlkhawm thei veve pawl tuamtuam in om dah lel in zomi bup Pawlpi khat hi ziau lel leh

Pu Thang Khup: Kipawl leh kigawm kibanglo hi. A tung aa ka gelh nasim sak pha leteh. Zomite in kipawlkhop theih ding kipumkhat ding i genteh khat in kigawm ding dan bekbek in a ngaihsun i om man aa kipawlkhop ding haksa a sa uhhi. Nang ii genpen kigawmna hi in kipawlna hilo hi.

Lyan K Pau: Kipawl cih teh a kigawm mah hilo dia.Kipawl kei leng kigawm theilo ding hi ve hang

Pu Thang Khup: Kigawm cih ciang 1 suak khawm uhhi. Kipawl cih ciang amau dinmun panmun Kipawlna tuamtek pan kipawl in semkhawm pangkhawm cih hi. G7 cih pen gam 7 a kipawlkhawm uh hi aa gam khat in a kigawm uh hilo hi.