Tuni 2016kum June kha 11 ni, Kawlpi aa teng Pu Gin Heh Lian i ngimna Zogam Ginhehlian Foundation tawh kisai a lunglut mahmah leh mailam ah Zomi te ih kipumkhat nang lunggulhna tawh tuni Dr. Cin Hen Thang, Dental Surgeon, Kalay general hospital; Health officer, ( Kalay University ) in Pu Hehlian tawh kimuh khopna nei in,
1. Pu Henlian in Zogam Ginhehlian Foundation ( ZGF ) ih phuat sawmpen sumngah nading ka ngimna hi lo in Zomite ka it ngiatna tawh ka geel hi cih ong genkhia hi.
2. Ka sihkhit ciang in minamdang ten Zomi te ong simmawh hetloh nang leh hih Foundation ongmuh uh ciang in Zomi te mipi in ong theihnang, Lasak siam kidemna cihte, Kidemna tuamtuam te bawl in letsong piakna ( Award ) ih neihzawh nang cihte, Mizawng genthei mahmah khat lai a pil mahmah leh ih pattah zawhnang cihte ka ngimna hi ci in ong genkhia hi.
3. Inn khaan ( Rooms ) te kong zawh ciang in kikupna nei in thungetna tawh apni in zumkhaan khawng zong nei in hunbit aa sem khat leh General Secretary khat koih ding in media khat zong nei in mi idea ong piak bangbang letkhan in, a hoihteng zang ding hihang aa sazian hoihtak bawl ding cih ka geelna hi cih tuni in ong genkhia hi.
4. Mailam ah Zomi sungah Numei te leh naupang te a pilna tawh kizui in a mau tawh kituak mun a ngah nang cihzong ka ngimna hi cih ong gen khiahi. Gentehna in Numei a pil mahmah khat pen numei hilel ee cih omlo aa lapsang nang cihte hi. Anbuuk sungbek ah nitum lo aa MP cihte ah zong ong kihel tohnang.
5. Tutung innlam zawhsiang lianteh kipat sawmpah hang cih onggen khiahi. ( 2016 kum bei ma limlim kipat sawmhi ) Tua hun ciang in ZYA cihte leh Zomi kipawlna tuamtuam tengtawh kipawl khawm in zum honna neiding hihang cih ong gen khia hi.
Suantuang Songput
Comment piaknop aomleh...